Kinumpirma ng Anti-Money Laundering Council (AMLC) na na-flag sa ilang confidential reports na isinumite ng mga bangko sina Vice President Sara Duterte at ang kanyang asawa na si Atty. Manases “Mans” Carpio, kaugnay ng umano’y kahina-hinalang aktibidad.
Sa pagtestigo ni AMLC Executive Director Ronel Buenaventura sa impeachment hearing ng House Committee on Justice nitong Miyerkules, April 22, sinabi niyang ang mga detalye ay nakapaloob sa isang 15-page confidential information-sharing document na isinumite sa komite.
Ayon kay Buenaventura, VP Sara “was the subject of suspicion in 27 confidential reports submitted by covered persons on 2 August 2024 to 29 January 2026,” na tumutukoy sa “suspected activities involving drug trafficking and related offenses, graft and corrupt practices, and malversation of public funds and property.”
Ipinaliwanag niya na ang mga hinala kaugnay ng drug trafficking ay “triggered in connection with the House Quad Committee hearing on former President Rodrigo Roa Duterte’s war on drugs, as well as by news reports alleging the involvement of VP Sara’s husband in the Php6.4 billion shabu importation in 2017.”
Samantala, ang mga hinala naman sa graft at malversation ay nakabatay sa “news articles related to the impeachment case filed against VP Sara in 2025, as well as alleged misuse of confidential/intelligence funds.”
Nang tanungin ni Mamamayang Liberal Party-list Rep. Leila de Lima kung saan nanggaling ang impormasyon, nilinaw ni Buenaventura na mula ito sa mga bangko at iba pang financial institutions na may obligasyong mag-report.
“This one is reported by the banks, by the covered persons, Madam Chair,” ani Buenaventura, at kinumpirmang pormal na naisumite ang mga ulat sa AMLC.
Ayon pa sa dokumento, si Carpio “was the subject of suspicion in 17 confidential reports submitted by covered persons on 14 September 2017 to 25 April 2025,” na may kinalaman din sa “suspected activities involving drug trafficking and related offenses and malversation of public funds and property.”
Para sa drug-related allegations, sinabi ni Buenaventura na ang mga ulat ay “triggered in connection with the news report on alleged involvement in the Php6.4 billion shabu importation in 2017,” habang ang usapin ng malversation ay “triggered by news articles in relation to his wife, VP Sara’s alleged misuse of confidential/intelligence funds.”
Binigyang-diin ni De Lima ang laman ng ulat at ang presensya ng mga derogatory records laban sa dalawa.
“So, pinapakita po nito na meron pala kayong talagang nakuha o nailagay, nai-report na derogatory records involving the two subjects of your confidential information sharing,” ani De Lima.
“Based on records, yes, Madam Chair,” tugon ni Buenaventura.
Sa ilalim ng batas, obligadong mag-report ang mga bangko at iba pang “covered persons” ng mga kahina-hinala at malalaking transaksyon sa AMLC, na siyang nag-iipon at nagsusuri ng datos para sa posibleng money laundering at iba pang kaugnay na krimen. /Bistado