Pinuna ng House Legislative Energy Action Development (LEAD) Council ang kasalukuyang sistema ng presyo ng langis sa bansa, dahil sa posibleng panganib ng “cartel-like” behavior sa gitna ng patuloy na pagtaas ng presyo dulot ng tensyon sa Middle East.
Sa pagdinig na pinangunahan sa ilalim ng direksyon ni Speaker Faustino Dy III, iginiit ni House Ways and Means Committee Chair at Marikina City Rep. Miro Quimbo na ang lingguhang price adjustment ng mga oil company ay posibleng nagpapahina ng kumpetisyon sa industriya.
Ayon kay Quimbo, sa kasalukuyang sistema, ina-adjust ng mga kumpanya ang presyo ng langis kada Martes base sa galaw ng pandaigdigang presyo noong nakaraang linggo. Inihahayag din ang mga dagdag-presyo bago ito ipatupad, kaya nakikita agad ng ibang kumpanya ang galaw ng bawat isa.
“So, lastly, Secretary, can you tell us, what is your opinion on this every Tuesday adjustment that the DOE actually mandates? Do you think it prevents, or does it actually engender, for lack of a better word, the elimination of competition?” tanong ni Quimbo kay Department of Economy, Planning and Development Secretary Arsenio Balisacan sa nasabing pagdinig.
Sa tugon ni Balisacan, sinabi niyang mas mataas ang posibilidad ng koordinasyon sa mga industriyang kakaunti lamang ang malalaking players.
“In Econ 101, Mr. Chair, when there are very few players in the markets, and you ask these players, government may be asking them to cooperate, to coordinate, they are actually asking a cartel,” ani Balisacan.
Nilinaw din ni Balisacan na ang industriya ng petrolyo ay isang “highly concentrated industry” kung saan iilan lamang ang dominanteng kumpanya, kaya mas madaling magkaroon ng koordinasyon sa presyo.
“What we do know is that the industry is a highly concentrated industry. There are only a few players. And so in Economics 101, you know that it’s easier to coordinate when there are only very few big players. There are opportunities for cartel-like behavior, just like what they have in OPEC,” dagdag niya.
Ipinaliwanag din ng kalihim na ang sabayang pagtakda ng presyo sa ilalim ng isang istrukturang sistema ay maaaring magpatibay ng ganitong galaw sa merkado.
“If in government, for example, if you are asking the players in the market to come to a room, agree on a price, what do you have? That’s how they do in the cartel,” ani Balisacan.
Giit ni Quimbo, bagamat maganda ang layunin ng Department of Energy na kontrolin ang volatility, posibleng nagreresulta ito sa kabaligtaran.
“The intention is good on the part of the Department of Energy to prevent volatility in the market. But the purpose is good, but I think the effect is we are in effect promoting a cartelization, and it is government itself,” sabi niya.
Dagdag pa ni Quimbo, “Gobyerno mismo ang nagbibigay ng presyo at nag-cre-create ng environment para magkulot itong mga oil companies. Kaya hindi nagkakahiwa-hiwalay ang presyo. Kasi nakikita nila lahat.”
Sa kabila nito, nilinaw ni Balisacan na wala siyang sinasabing may umiiral nang kartel sa industriya, ngunit kailangan itong masusing imbestigahan.
“Mr. Chair, I’m not saying that there is a cartel, but I think that our regulatory agencies and in particular, PCC and ERC, should work together to investigate,” aniya.
Ang naturang pagdinig ang unang isinagawa ng LEAD Council, na binubuo ng 13 komite ng Kamara para tutukan ang agarang solusyon at pangmatagalang reporma kaugnay ng epekto ng global oil price shock sa bansa. /Bistado