Regional security, “coercive acts,” at tumitinding tensyon sa Indo-Pacific ang inaasahang mangunguna sa pag-uusap ni President Ferdinand R. Marcos Jr. at Japanese Prime Minister Sanae Takaichi sa Tokyo ngayong buwan.
Sa pakikipag-usap sa Japanese media sa Malacañang nitong Lunes, sinabi ni Marcos na parehong humaharap ang Pilipinas at Japan sa mga security concern sa regional waters, lalo na sa South China Sea.
“And as Japan and the Philippines have experienced the same difficulties in terms of coercive acts, in terms of different gray zone tactics that are being exercised in the South China Sea, that is something that we will certainly be discussing,” ani Marcos.
May territorial disputes ang Pilipinas at Japan sa China.
Patuloy ang galaw ng Beijing sa South China Sea, kabilang ang mga bahagi ng West Philippine Sea na pasok sa exclusive economic zone ng Pilipinas. Inaangkin din ng China ang Japanese-controlled Senkaku Islands sa East China Sea.
Ayon kay Marcos, mas kailangan ngayon ang mas malapit na coordination sa pagitan ng allies dahil sa nagbabagong security environment sa Indo-Pacific.
Tinukoy rin niya ang mas aktibong defense posture ng Japan bilang “significant development” sa rehiyon, lalo na habang lumalawak ang partisipasyon ng Tokyo sa regional security activities.
Sa unang pagkakataon, aktibong lumahok ang Japan sa Balikatan Exercises ngayong taon, imbes na observer lamang. Ayon kay Marcos, mahalaga ito para mapahusay ang interoperability at joint readiness ng allied forces.
Ang Balikatan Exercise ang pinakamalaking annual bilateral military exercise ng Armed Forces of the Philippines at United States military.
“That changes the playing field,” sabi ni Marcos, kaugnay ng nagbabagong defense policy ng Japan.
Sinabi ng Pangulo na nais ng Manila na mas malinaw na maunawaan kung paano ipatutupad ng Japan ang bagong security posture nito at paano ito maisasalin sa mas malawak na bilateral at multilateral cooperation kasama ang ASEAN at iba pang Indo-Pacific partners.
“This extends now all the way to the Indo-Pacific,” ani Marcos.
Kabilang sa posibleng talakayin ang information-sharing, technology cooperation, military training, at coordinated regional initiatives.
Muling iginiit ni Marcos na nakabatay ang foreign policy ng Pilipinas sa “national interest and peace,” pagsunod sa international law, at peaceful resolution of disputes sa ilalim ng United Nations Convention on the Law of the Sea.
“We are searching for peace in the region and the freedom of navigation in our seas, and the peaceful resolution of any conflict. That has been our standard position, and I think it is the right one,” ani Marcos.
Nakatakdang bumiyahe si Marcos sa Japan para sa four-day state visit simula May 26, kasabay ng paggunita sa ika-70 anibersaryo ng diplomatic relations ng Pilipinas at Japan. /Bistado