Pormal nang pumasok sa Senate Impeachment Court ang 11-member House prosecution panel para sa nalalapit na trial ni Vice President Sara Duterte.
Inihain ang “Formal Entry of Appearance” nitong Lunes, 5:32 p.m., matapos manumpa ang mga senador at mag-convene bilang impeachment tribunal.
Personal na isinumite ni House Secretary General Cheloy Garafil ang pleading sa Senate Impeachment Court para sa mga prosecutor na inihalal ng House of Representatives.
Senyales ito na handa na ang Kamara na ituloy ang impeachment trial matapos nitong i-impeach si Duterte sa botong 257-25, na may siyam na abstentions, at ipadala ang Articles of Impeachment sa Senado.
Sakop ng impeachment articles ang mga alegasyon ng misuse of confidential funds, unexplained wealth, bribery, at threats laban kina President Ferdinand R. Marcos Jr., First Lady Liza Araneta-Marcos, at former Speaker Ferdinand Martin G. Romualdez.
Sa three-page pleading, pormal na pumasok ang 11 House members bilang public prosecutors sa kaso laban kay Duterte.
“The undersigned members of the House of Representatives, duly elected by the House of Representatives as members of the prosecution panel, respectfully enter their appearance as Public Prosecutors,” saad ng dokumento.
Pinangalanan sa pleading si House Committee on Justice Chair at Batangas 2nd District Rep. Gerville “Jinky Bitrics” Luistro bilang lead public prosecutor.
Hiniling din ng prosecutors na lahat ng court processes ay ipadala sa lead public prosecutor sa pamamagitan ng Office of the Secretary General ng House of Representatives.
“It is, thus, respectfully requested that, henceforth, all copies of all pleadings, resolutions, decisions, notices, and other processes of this Honorable Court be furnished to the Lead Public Prosecutor, Representative Gerville R. Luistro,” saad sa filing.
Lumagda sa pleading si Luistro at ang iba pang public prosecutors: Reps. Terry Ridon ng Bicol Saro Party-list, Ramon Rodrigo Gutierrez ng 1-Rider Party-list, Ysabel Maria Zamora ng San Juan City, Lorenz Defensor ng Iloilo 3rd District, Jose Manuel “Chel” Diokno ng Akbayan Party-list, Leila de Lima ng Mamamayang Liberal Party-list, Arlene “Kaka” Bag-ao ng Dinagat Islands, Jonathan Keith Flores ng Bukidnon 2nd District, Lordan Suan ng Cagayan de Oro 1st District, at Joel Chua ng Manila 3rd District. /Bistado