Inilabas na ng Ethics Panel ng House of Representatives ang kanilang rekomendasyon na patawan ng parusa si Quezon City Fourth District Representative Jesus “Bong” Suntay.
Kaugnay nga ito ng isyung paggamit o pagbanggit ng Congressman sa pangalan ni Anne Curtis sa isang “impeachment hearing’ noong March, kung saan inihambing niya ang kanyang nararamdaman o ‘desires’ bilang isang lalaki, sa usaping “thoughts versus actions.”
Sanhi nito ay maraming mga grupo at sektor ang nanawagan na patawan ng parusa ang Mambabatas, lalo pa’t kahit ang kanyang immediate family (asawa at anak) ay sumang-ayon sa bugso ng sambayanan sa tila “pambabastos” nito sa mga kababaihan, using Anne Curtis as example.
“GUILTY,” ang lumabas na hatol ng naturang Committee na duminig sa reklamo kung saan sa botong 263 mula sa iba pa niyang kasamahang mga Kongresista ay inuutusan nilang magsagawa ng “public apology” at sumailalim sa ‘community service’ na itinatakda ng ruling ng nasabing Committee sa House of Representatives.
Dahil sa “inappropriate or improper statements” nito tungkol sa aktres at iba pa nitong pahayag sa social media, “The Committee recommended that Suntay be subjected to disciplinary action in the form of a reprimand under Section 52(b)(2), Rule IX of the Committee Rules.”
“It also recommended that he renders voluntary community service, undergoes a gender sensitivity seminar organized by the House Committee on Women and Gender Equality, and issues a public apology to Ms. Anne Curtis-Smith and all women in a statement to be read before television or broadcast media,” dagdag ng lumabas na hatol.
Bahagi ng committee report na inilabas ng panel chair na si 4PS Party-list Representative JC Abalos;
“After deliberation on the cases, the Committee found Quezon City 4th District Rep. Jesus ‘Bong’ C. Suntay guilty of disorderly behavior for uttering inappropriate or improper statements during the March 3, 2026 hearing of the House Committee on Justice, as well as for related statements made on social media that the Committee said reflected negatively on the dignity, integrity, and reputation of the House of Representatives as an institution.”
“Offensive, “sexist,” at may diskriminasyon laban sa mga kababaihan ang mga salitang binitiwan ni Suntay,” saad pa ng report.
Hindi raw ito naaayon sa inaasahang dignidad mula sa mga miyembro ng Kongreso at sa paglabag niya sa Sections 4(A)(b) and (c) of Republic Act No. 6713, or the Code of Conduct and Ethical Standards for Public Officials and Employees.