Magdadala ng scattered rains at thunderstorms sa ilang bahagi ng Visayas at Mindanao ang trough ng Super Typhoon Choi-Wan ngayong Lunes, ayon sa Philippine Atmospheric, Geophysical and Astronomical Services Administration (Pagasa).
Apektado ang Mindanao, Western Visayas, Negros Island Region, Central Visayas, Leyte at Southern Leyte.
Nagbabala ang Pagasa sa posibleng flash floods at landslides sa mga lugar na ito dahil sa moderate hanggang heavy rains.
Sa nalalabing bahagi ng bansa, isolated rain showers naman ang inaasahan dahil sa localized thunderstorms.
Light to moderate ang hangin habang slight to moderate ang coastal waters sa buong kapuluan.
Dakong alas-3 ng madaling araw, namataan ang Super Typhoon Choi-Wan 2,605 kilometro east-northeast ng extreme Northern Luzon, sa labas ng Philippine Area of Responsibility (PAR).
Ayon kay Pagasa weather specialist Aldczar Aurelio, hindi inaasahang papasok sa PAR ang bagyo. /Bistado