Sunod sunod ang tagumpay ng mga Pilipinong atleta ngayon buwan ng Hunyo.
Sumungkit ang Philippine Soft Tennis team ng ginto sa 2026 NH Bank Korea Cup International Soft Tennis Tournament sa Incheon, South Korea.
Nanalo sa mixed team event sina Joseph Arcilla, Samuel Nuguit, Sherwin Nuguit, Bien Zoleta, Princess Catindig, at Christy Sañosa.
Nag-uwi si Shyryn Salazar ng pilak at si Afeah Tabudlong ng tanso sa women’s singles Challenge Round.
Samantala, nakakuha si Errol Giducos ng tanso sa men’s singles Challenge Round.
Dinomina naman ng koponan ng Pilipinas, na kinatawan ng Morong Nordic RollerSki Sports Club, ang 2026 New Taipei City Rollerski Competition sa Taiwan matapos mag-uwi ng 11 medalya.
Nagpakitang-gilas ang mga batang sina Dimitri Santiago, Menard James Francisco, Jaicee Ryco Dela Rosa, Jhayden Caleb Longos, Yhuan James Mojica at Edward Jacob Limbaga sa Classic at Freestyle events.
Kahanga-hanga rin ang naging kampanya ang Philippine National Junior Muaythai team sa 1st IFMA Muaythai School World Championships sa Kuala Lumpur, Malaysia.
Nag-uwi ang mga batang Pinoy ng kabuuang 19 medalya — 11 ginto, tatlong pilak at limang bronze.
Isa sa mga namukod-tangi si Athaliah Sarmiento, matapos magwagi ng tatlong gintong medalya sa Combat, Wai Kru at Mai Muay categories.
Ang iba pang mga nagbigay ng karangalan sa bansa ay sina Royeth Rosa, Salko Esmundo Velic, Sameille Khyn Hofileña, Risha Althea Amoguis, Antonia Elizabeth Lantaya, Dick Jr. Saking, Katniss Mishiko Caasi, Nathan Ivan Buenconsejo, Juan Miguel Delarmin, Wahkan River Walrey Tagure, Lyre Anie Ngina at Kale Tan.
Pumadyak din nang husto si Naomi Gardoce upang makuha ang ikatlong puwesto sa 2026 Asian Mountain Bike Championship sa Tashkent, Uzbekistan.
Inuwi ni Gardoce ang bronze medal sa likod nina Vipavee Deekaballes ng Thailand at Milatul Khaqimah ng Indonesia.
Una nang nabalita ang ginto ni two-time Olympic gold medalist Carlos Yulo at tanso ng nakababatang kapatid na si Eldrew sa floor exercise event ng 13th Senior Artistic Gymnastics Asian Championships sa Sunyi, China noong Hunyo 20.