TOKYO – Nakakuha si President Ferdinand Marcos Jr. ng humigit-kumulang P56.3 billion na potential investments mula sa malalaking Japanese companies sa shipbuilding, electronics, semiconductor production, artificial intelligence-driven technologies, at green maritime industries, sa kanyang state visit sa Japan.
Ayon sa Presidential Communications Office (PCO), inaasahang lilikha ang mga investment pledges ng nasa 10,300 additional direct and indirect jobs sa iba’t ibang bahagi ng Pilipinas.
Kabilang sa mga nakaharap ni Marcos ang executives ng Tsuneishi Group Corporation, na tinalakay ang plano nitong palawakin ang shipbuilding facility nito sa Pilipinas.
“Once the expansion is completed, the Philippines is projected to become the world’s fourth-largest shipbuilding nation, next to China, Japan, and South Korea,” ayon sa PCO.
Tinalakay din ng Pangulo ang proposed expansion ng Furukawa Electric Co. Ltd. sa Laguna Technopark.
Target ng expansion na palakasin ang production capacity para sa high-performance heat sinks na ginagamit sa cooling ng data center processing units, kabilang ang central processing units at graphics processing units.
Nakipagpulong din si Marcos sa leaders ng Sumitomo Electric Industries, Ltd. kaugnay ng P4.3-billion expansion project sa advanced electronics manufacturing.
“The investment includes the construction of a new 4,706-square-meter facility in Cabuyao, Laguna by the company’s Philippine unit, First Sumiden Circuits, Inc. (FSCI), the country’s sole manufacturer of flexible printed circuits,” ayon sa PCO.
Iniharap din ng executives ng MinebeaMitsumi Inc. kay Marcos ang kanilang ongoing at planned investments sa Pilipinas.
Sakop nito ang semiconductor back-end manufacturing, battery-related components para sa hyperscale data centers, Optical Image Stabilization technologies, at advanced precision manufacturing.
Ayon sa PCO, ang mga bagong investment pledges na ito ay dagdag pa sa $3.4 billion, o humigit-kumulang P210 billion, na investment pledges na nakuha ni Marcos sa roundtable meeting kasama ang Japanese business leaders.
Sa kabuuan, ipinakita ng mga pulong sa Tokyo ang pagpasok ng panibagong Japanese investment interest sa sectors na itinuturing na mahalaga sa industrial growth ng Pilipinas, mula shipbuilding at electronics hanggang semiconductor at green maritime industries. /Bistado