Bumuo na ang International Criminal Court (ICC) ng Trial Chamber para sa kaso laban kay dating Pangulong Rodrigo Duterte, kasunod ng pag-usad ng proseso sa korte.
Ayon sa ICC, ang Trial Chamber ay binubuo nina Judges Joanna Korner, Keebong Paek, at Nicolas Guillou.
Nauna nang inanunsyo ng ICC na ang mga pre-trial judges ay “unanimously” nagkumpirma ng crimes against humanity charges na may kaugnayan sa war on drugs ni Duterte mula November 1, 2011 hanggang March 16, 2019, na sumasaklaw sa kanyang panahon bilang Davao City mayor at kalaunan bilang pangulo.
Ang 81-anyos na dating lider ang kauna-unahang Asian former head of state na haharap sa paglilitis sa ICC, na tumututok sa mga pinakamabibigat na krimen tulad ng war crimes at crimes against humanity.
Samantala, muling kinuwestyon ng kampo ni Duterte ang kredibilidad ng mga testigo na ginamit sa proseso. Ayon kay lead counsel Nicholas Kaufman, hindi umano nasuri ang pagiging kapani-paniwala ng mga ito sa confirmation stage.
“The Pre Trial Chamber found that the crucial word ‘neutralise’, used to define a so-called State or organisational policy, was understood by those involved in the operations to mean to ‘kill’. This is hardly surprising when the whole of the Prosecution’s case, as pasted into the concluding paragraphs of the Pre-Trial Chamber’s decision, is based on the uncorroborated statements of vicious self-confessed murderers acting as cooperating witnesses,” ani Kaufman.
Huling nakita si Duterte matapos ang kanyang pag-aresto at paglipat sa The Hague nang dumalo siya sa isang initial appearance sa pamamagitan ng videolink noong March 2025.
Sa ilalim ng Rome Statute, kinakailangan ang presensya ng akusado sa mismong paglilitis, na inaasahang susunod na yugto ng kaso. /Bistado