Umabot sa P1.2 bilyon ang nasukat na business benefits mula sa generative AI, artificial intelligence at machine learning initiatives ng Globe hanggang August 2026.
Katumbas ito ng 2.8 beses na balik sa AI investments ng kumpanya mula sa dagdag na revenue, naiwasang gastos at productivity gains.
Pinakamalaking ambag ang AI-powered commercial at customer initiatives na nakalikha ng mahigit P825 milyon na incremental revenue. Ginagamit ang teknolohiya sa Globe Rewards, roaming, lending at postpaid services para gawing mas relevant ang offers at customer experiences.
Nakapagtala rin ang Globe ng P368 milyon na realized cost avoidance mula sa mga proyekto sa finance, customer engagement, marketing technology at order management.
Mahigit 52,000 working hours naman ang natipid sa productivity at automation tools, katumbas ng P28 milyon na productivity gains. Ayon sa kumpanya, nabawasan nito ang oras ng employees sa repetitive tasks.
“The real measure of AI is not how many people are using it, but what it actually improves. We want to see it translate into better experiences for our customers, more intelligent ways of working for our people, and tangible results for the business. That is why we are putting greater discipline around measuring the value AI creates,” sabi ni Globe President and CEO Carl Cruz.
Umabot na rin sa 90 porsiyento ang enterprise AI adoption ng Globe hanggang August, habang mahigit 450 employees na ang kabilang sa AI builder community nito.
Target ng kumpanya na palawakin ang paggawa ng AI solutions lampas sa dedicated technology teams habang mas mahigpit na sinusukat ang business value ng bawat investment. /Bistado