Ipinagpatuloy ni Alexandra Eala ng Pilipinas ang pagpapatumba sa top 10 sa mundo matapos talunin si Elina Svitolina ng Ukraine, 6-3, 6-4, sa Berlin Tennis Open sa Germany nitong Biyernes (Sabado ng umaga sa Pilipinas).
Kontrolado ni world No. 35 Eala ang laban na nagtagal ng isang oras at 23 minuto. Nagtapos sya na may 19 winners at syam lamang ang unforced errors.
Susunod na makakaharap ni Eala si world No. 13 Linda Noskova ng Czech Republic, na sinipa si Paula Badosa ng Spain, 6-1, 6-3.
“Elina is a huge fighter, and I’ve seen it many times,” ani Eala sa oncourt interview.
“I’ve been watching her since I was a kid, so to be able to compete with her today is such an honor, and I really admire her. She’s a mother, and I find her to act with such elegance and strength, and I’m really lucky to have had this match today.”
Ginulat ni Eala ang world No. 2 at Wimbledon champion na si Elena Rybakina ng Kazakhstan, 7-5, 6-4, noong Huwebes (Biyernes sa Pilipinas) upang umabante sa quarterfinals.
Si Svitolina naman ay umabante matapos talunin si Eva Lys ng Germany, 6-3, 6-2.
Sa round of 32, sinibak ni Eala si Donna Vekic ng Croatia, 7-5, 6-4.
Samatala, pasok na rin sa semifinals at susunod na magtatagpo sina world No. 1 Aryna Sabalenka ng Belarus at world No. 4 Jessica Pegula.
Tinalo ni Sabalenka si Nikola Bartůňková ng Czech Republic, 2-6, 7-6(2), 6-4.
Sinbak naman ni Pegula ang kapwa Amerkana na si Madison Keys, 7-6 (5), 7-6(8).