Magdadala ng pag-ulan sa ilang bahagi ng bansa ang trough ng Severe Tropical Storm Domeng, international name Jangmi, habang 44 lugar naman ang posibleng makaranas ng mapanganib na init, ayon sa PAGASA.
Ayon sa weather bureau, alas-3 ng madaling-araw nitong Saturday, namataan ang sentro ni Domeng sa layong 980 kilometers east of Northern Luzon.
Taglay nito ang maximum sustained winds na 95 kilometers per hour malapit sa gitna at pagbugsong umaabot sa 115 kph.
Kumikilos si Domeng west-northwestward sa bilis na 15 kph.
Dahil sa trough ni Domeng, makararanas ng scattered rains at thunderstorms ang Bicol Region, Batanes, Ilocos Norte, Apayao, Cagayan, Quezon, Northern Samar, Eastern Samar, at Samar.
Apektado rin ng pag-ulan ang Mimaropa, Western Visayas, Negros Island Region, Zamboanga Peninsula, Soccsksargen, BARMM, Batangas, at Lanao del Norte dahil naman sa southwesterly windflow.
Sa natitirang bahagi ng bansa, asahan ang partly cloudy to cloudy skies na may isolated rain showers o thunderstorms dulot ng localized thunderstorms.
Magkakaroon ng moderate to strong winds at moderate to rough seas sa Northern Luzon.
Sa natitirang bahagi ng archipelago, inaasahan ang light to moderate winds at slight to moderate seas.
Samantala, nagbabala rin ang PAGASA sa danger-level heat index sa 44 lugar sa bansa.
Ang heat index ay ang init na nararamdaman ng katawan kapag pinagsama ang air temperature at relative humidity.
Pinakamataas na forecast heat index ang 46°C sa Baler Radar, Aurora.
Pinayuhan ang publiko na mag-ingat sa init at ulan, lalo na sa mga lugar na maaaring makaranas ng thunderstorms, malalakas na bugso ng hangin, at mapanganib na heat index. /Bistado