NORTHERN SAMAR – Arestado ang Number 1 Most Wanted Person sa regional level ng CALABARZON matapos ma-trace sa Mondragon, Northern Samar sa isang manhunt operation noong May 25, 2026.
Ayon sa Philippine National Police (PNP), ang 26-anyos na lalaking suspek ay native ng Caloocan City at naninirahan sa Mondragon, Northern Samar nang maaresto.
Nahuli siya sa bisa ng Warrant of Arrest para sa 13 counts of Statutory Rape na inisyu ng Regional Trial Court Branch 72 sa Antipolo City, Rizal.
Walang inirekomendang piyansa ang korte para sa akusado.
Isinagawa ang operasyon ng joint operatives mula sa Mondragon Municipal Police Station, Regional Intelligence Division 4A, Northern Samar Police Provincial Office Provincial Intelligence Unit, Regional Intelligence Division 8, at Antipolo City Police Station.
Ayon sa PNP, ipinaalam sa akusado ang dahilan ng kanyang pag-aresto at ang kanyang constitutional rights bago siya dinala sa Mondragon Municipal Police Station para sa documentation at proper disposition. /Bistado