Sumampa na sa 2,185 ang dengue cases sa Agusan del Sur habang umakyat sa 15 ang bilang ng nasawi, ayon sa kanilang Provincial Health Office (PHO).
Mas mataas ito sa 2,018 cases noong nakaraang linggo. Mula 14 noong October 1, nadagdagan din ng isa ang dengue-related deaths.
Nagdeklara ng dengue outbreak sa lalawigan noong September 29.
Sa kabuuang kaso, 1,640 o 75 porsiyento ang kinailangang ma-admit sa ospital.
Pinakamaraming tinamaan ang edad 15 hanggang 19, na bumubuo sa 17.99 porsiyento ng total cases.
“The data highlights the continuing need for heightened surveillance, early consultation, and prompt management of suspected dengue cases, particularly among children and adolescents,” pahayag ng PHO.
Patuloy namang isinusulong ang 4S Strategy: Search and destroy mosquito breeding places, Secure self-protection, Seek early consultation, at Support fogging and spraying kung kinakailangan.
“Dengue prevention starts at home and requires everyone’s participation. Let us work together to protect our families and communities,” dagdag ng PHO. /Bistado