INDONESIA – Umabot sa hindi bababa sa 237 hectares ng kagubatan at lupa ang nasunog sa West Java, Indonesia hanggang nitong Huwebes habang patuloy na lumalala ang wildfire season sa gitna ng matinding dry conditions at El Niño.
Nakapagtala ang West Java Regional Disaster Management Agency ng 168 fire incidents na nakaapekto sa 186 subdistricts sa 21 districts at cities.
Pinakamarami ang naitala sa Sumedang Regency na may 22 insidente. Wala namang naiulat na residenteng nasugatan.
Mas malawak ang problema sa buong Indonesia. Batay sa Forestry Ministry data, umabot sa 202,004 hectares ang tinamaan ng wildfires mula January hanggang July 2026, mula 107,465 hectares hanggang June.
Ibig sabihin, halos 95,000 hectares ang nadagdag noong July lamang habang tumitindi ang El Niño.
Inaasahan ding mananatiling kritikal ang wildfire situation sa August at September, habang nagpapatuloy ang dry conditions na nagpapadali sa pagkalat at muling pagsiklab ng apoy. /Bistado