Sa kauna- unahang pagkakataon sa kasaysayan ng mga pagbibigay ng acting award sa bansa, first time na pinarangalan ng Manunuri ng Pelikulang Pilipino o Gawad URIAN ang apat na mahuhusay na aktor at aktres para sa kanilang kategorya.
Kapwa tinanghal na Best Actor sina Jericho Rosales at Carlo Aquino, habang nanalo namang Best Actress sina Maris Racal at Odette Khan.
Nanalo si Jericho para sa mahusay niyang pagganap bilang si Manuel L. Quezon sa biopic na Quezon, habang ni-reprise naman ni Carlo ang mapanghamon niyang papel bilang abogado sa Bar Boys After School.
Si Maris Racal naman ay muling nagwagi sa sport-type role niya sa Sunshine na kung ilang beses na ding naipalabas at pinuri sa maraming festivals abroad.
Samantala, ngayon lang din yata naparangalan sa kasaysayan ang isang movie role na nanalo na din sa URIAN noong 2018 bilang Best Supporting Actress at nitong may part 2 sa 2025 ay naging Best Actress.
Isang pambihirang record na nagawa ng beterano at napakagaling na aktres na si Ms. Odette Khan, bilang si Justice Hernandez sa Bar Boys (2017) at Bar Boys After School (2025) movies.
“Very iconic. What an amazing record. Kahit ang mga greatest actresses like Nora, Vilma, Lolita, Charito, Jaclyn or ibang multi-URIAN winners ay never pang nagawa,” komento ng mga kritiko sa na-achieve ni Ms. Odette Khan.
Naka-wheelchair na tinanggap ng 80-years old na si Ms. Odette ang kanyang award na inaalalayan pa ni G. Nick Tiongson, isa sa mga founding members ng URIAN at ngayo’y 2026 National Artist for Literature.
Si Ms. Khan na rin ang itinuturing na oldest Best Actress winner ng URIAN.
Samantala, ang mga sumusunod naman ang kabuuang listahan ng mga nakapag-uwi ng mga tropeyo mula sa mapanuring hanay ng mga kritiko na binubuo ng mga dalubhasa mula sa akademya at media practitioners.
- Best Picture: “Bloom Where You Are Planted’ (Alex Poblete, Taripnong Cagayan Valley
- Best Actor: Carlo Aquino, “Bar Boys: After School” and Jericho Rosales, “Quezon”
- Best Actress: Maris Racal, “Sunshine” and Odette Khan, “Bar Boys: After School”
- Best Direction: Noni Abao, “Bloom Where You Are Planted”
- Best Cinematography: Pong Ignacio, “Quezon”
- Best Screenplay: Renei Dimla, “Republika ng Pipolipinas”
- Natatanging Gawad Urian: Laurice Guillen
- Best Documentary: “Bloom Where You Are Planted”
- Best Short Film: “Cemento”
- Best Production Design: Monica Sebial, “Quezon”
- Best Editing: Che Tagyamon, “Bloom Where You Are Planted”
- Best Music: Jerrold Tarog, “Quezon”
- Best Sound: Emilio Bien Sparks, “Cinemartyrs”
- Best Supporting Actor: Will Ashley, “Bar Boys: After School”
- Best Supporting Actress: Jennica Garcia, “Sunshine”
The Gawad Urian Awards, established in 1976, is the Filipino Film Critics’ measure of the artistry and skills of Filipino filmmakers.
Named after the “urian” stone used to determine the value of gold, the award is a symbol of recognition and, fundamentally, an appreciation of the creator’s role toward their medium and their audience.
Ginanap ang ika-49th edition ng URIAN sa Teresa Yuchengco Auditorium at De La Salle University-Manila, last Thursday, October 8.