Target ng Universal Robina Corporation (URC) ang mid-single-digit revenue growth ngayong taon kahit may pangamba sa global uncertainties, kabilang ang tensyon sa Middle East.
Ayon sa URC, patuloy na tatama sa commodities business nito ang mas mahinang sugar prices matapos maapektuhan ang first-quarter earnings.
Sinabi ng company official na si Juan Miguel T. Manalang na maaaring tumaas ang sugar prices sa susunod na crop year dahil sa mas mahal na fertilizer at diesel costs, pati posibleng epekto ng El Niño sa farm productivity.
Binabantayan din ng URC ang epekto ng US-Iran conflict, na maaaring makaistorbo sa logistics at magpataas ng gastos sa raw materials at transport.
Para mabawasan ang risk, sinabi ng URC na dina-diversify nito ang suppliers, mas mahigpit na mino-monitor ang shipments, at nagpapanatili ng buffer stocks.
Nagbabala rin ang kumpanya na ang pagtaas ng oil prices ay maaaring magpalakas ng inflation at magpahina sa consumer spending.
Dahil dito, sinimulan na ng URC ngayong buwan ang selective price increases para pamahalaan ang tumataas na gastos, lalo na sa categories kung saan malakas ang market leadership nito.
Gayunman, maingat pa rin ang kumpanya sa pagtaas ng presyo ng mga produktong para sa budget-conscious consumers. /Bistado