Nagkaroon kamakailan ng hiwalay na get-together si TV5 President and CEO Guido Zaballero kasama ang cast at production teams ng Kapatid seryes na A Secret in Prague at My Bespren Emman, bilang pasasalamat sa kanilang dedikasyon at sipag sa paggawa ng dalawang flagship teleserye ng TV5.
Kasama sa gathering ng A Secret in Prague sina Enrique Gil, Andrea Brillantes, at Cedric Juan. Samantala, dumalo naman sa My Bespren Emman gathering sina JM de Guzman, Shaina Magdayao, Sid Lucero, at Ai-Ai delas Alas.
Patuloy na umaani ng tagumpay ang A Secret in Prague, na ilang linggong namayagpag sa Netflix charts.
Samantala, pinupuri naman ang My Bespren Emman dahil sa makabuluhang kuwento at mahuhusay na pagganap ng cast.
Kamakailan lang din itong nag-uwi ng acting awards sa 15th World Class Excellence Japan Awards, kung saan kinilala si Sid Lucero bilang Best Supporting Actor at si Ryrie Sophia bilang Best Child Performer.
Ayon kay Zaballero, “We are confident that a wider audience will enjoy the more exciting plots and twists that both shows have to offer in the coming days and weeks. We will announce these changes soon.”