Hindi na ihaharap ng House prosecution si former Senator Antonio “Sonny” Trillanes IV bilang witness sa impeachment trial ni Vice President Sara Duterte.
Kinumpirma ni House lead prosecutor at Batangas Rep. Gerville “Jinky Bitrics” Luistro nitong Huwebes, October 1, ang final decision habang isinusumite ang witness schedule para sa October 2, 5 at 6.
“First, Your Honor, the prosecution has finally decided not to present former senator Sonny Trillanes,” sabi ni Luistro.
Walang ibinigay na dahilan ang prosecution sa pagtanggal kay Trillanes.
“We seek the kind indulgence of the Honorable Impeachment Court for the belated final position on this particular concern,” ani Luistro.
Tinanong ni lead defense counsel Atty. Sheila Sison kung tuluyan nang inalis si Trillanes o ipinagpaliban lamang ang kanyang testimony.
“As manifested already, Your Honor, we will no longer be presenting former senator Sonny Trillanes,” sagot ni Luistro.
Wala ring ruling ang impeachment court sa proposed testimony ni Trillanes dahil hindi na ito ipinursige ng prosecution.
Tututok ngayon ang panel sa financial records sa pagpapatuloy ng Article II presentation kaugnay ng declared assets at alegasyon ng unexplained wealth ni Duterte.
Sa Biyernes, October 2, ipagpapatuloy ni Anti-Money Laundering Council Executive Director Ronnel Buenaventura ang kanyang testimony. Siya lamang ang nakatakdang prosecution witness sa araw na iyon.
“For October 2, Friday, that is tomorrow, Your Honor, we anticipate the continuation of the presentation of the AMLC Executive Director,” sabi ni Luistro.
Sa Lunes, October 5, isasalang naman ang Bureau of Internal Revenue.
Susunod sa Martes, October 6, ang representatives ng pitong bangko at pitong insurance o financial firms. Posibleng magsimula silang humarap sa Lunes kung maagang matapos ang BIR testimony.
Kabilang sa pitong bangko ang Land Bank of the Philippines, Asia United Bank, Philippine Savings Bank, Metropolitan Bank and Trust Company, Bank of the Philippine Islands, Philippine National Bank at BDO Unibank.
Nasa listahan din ang Prudential Life, Allianz, Manufacturers Life, FWD Life, BPI AIA Life, BDO Securities at BDO Life.
Pinagbigyan ni Presiding Officer Sen. Francis “Chiz” Escudero ang hiling na subpoena para sa BIR at mga naturang financial institutions na humarap at magdala ng hinihinging records.
“The chair hereby grants the request for the issuance of subpoena duces tecum and ad testificandum to the BIR, as well as the banks and insurance companies named in the request for subpoena,” ruling ni Escudero.
Inatasan din ang prosecution na bigyan nang maaga ang defense ng copies ng summaries o documents na gagamitin ng BIR, bank at insurance witnesses, gaya ng ginawa sa AMLC testimony. /Bistado