Hawak pa rin ng Filipino brand na Tanduay ang titulo bilang World’s Number 1 Rum sa ika-siyam na sunod na taon, ayon sa The Millionaires’ Club supplement ng Drinks International Magazine.
Nakapagtala ang Tanduay ng 23.2 million cases noong 2025, mas mababa ng 2.5 percent kumpara noong nakaraang taon, pero sapat para manatili sa tuktok ng global rum category.
Sa buong rum category, bumaba rin ang sales mula 73.7 million tungong 73.1 million cases.
Taun-taon, inilalathala ng The Millionaires’ Club ang mga top-selling spirits brand. Ayon sa news release nitong Lunes, nangalap ng datos ang research team ng Drinks International mula sa company reports at requested information mula sa pinakamalalaking brands sa mundo noong January.
“The pattern is clear. In tougher economic conditions, growth is following brands with strong domestic relevance, accessible pricing, and deep distribution,” sabi ni Drinks International supplement editor Oli Dodd.
Ayon kay Tanduay International Business Development manager Roy Kristoffer Sumang, nananatiling tutok ang kumpanya sa long-term growth kahit bumaba ang sales.
“We recognize that consumer preferences evolve, and we are there to meet their changing needs while remaining committed to our craftsmanship and innovation,” sabi ni Sumang.
Ayon kay Dodd, hindi pa lubos na nakakabangon ang global spirits sales.
“The wars that colored previous editions continue and are joined by the war in Iran that further complicates any supply chains that cross the War Meridian, while global trade disagreements seem to only take temporary pauses. It appears that global brands will continue to have to work harder for each additional case,” sabi niya.
Itinatag noong 1854, nalampasan na ng Tanduay ang dalawang World Wars, mga pagbabago sa rehimen, at mga hamon sa ekonomiya.
“We will continue offering quality products at the best value and furthering our distribution globally,” sabi ni Sumang. “The World’s Number 1 Rum title is a recognition that we share with every Filipino, and we will continue to do our best in bringing the Philippines to the global stage.” /Bistado