Nanguna sina Vice President Sara Duterte at dating Senate President Vicente “Tito” Sotto III sa satisfaction ratings ng mga susunod na pinakamataas na opisyal ng bansa, batay sa Social Weather Stations survey na inilabas nitong Saturday.
Hindi kasama sa survey ang satisfaction rating ni President Ferdinand Marcos Jr.
Isinagawa ang non-commissioned SWS survey mula March 24 hanggang 31 sa 1,500 adults nationwide.
Nakakuha si Duterte ng +29 net satisfaction rating, habang si Sotto ay nagtala ng +15.
Samantala, nakakuha si House Speaker Faustino “Bojie” Dy III ng +4, habang si Supreme Court Chief Justice Alexander Gesmundo ay nagtala ng +9.
Ang net satisfaction score ay kinukuwenta sa pamamagitan ng pagbawas sa porsyento ng dissatisfied respondents mula sa porsyento ng satisfied respondents.
Ayon sa SWS, regular nitong ginagawa at inilalabas ang satisfaction ratings ng mga government posts na ito bilang bahagi ng “own initiative” nito at “as a public service.”
Hiwalay ito sa satisfaction surveys ng SWS tungkol sa Pangulo.
Sa kaso ni Duterte, sinabi ng SWS: “Compared to November 2025, net satisfaction hardly moved from moderate +28 for Vice-President Duterte.”
Batay sa survey, 54 percent ng respondents ang satisfied sa performance ni Duterte, habang 25 percent ang dissatisfied.
Nagresulta ito sa +29 net satisfaction rating, na ikinlasipika ng SWS bilang “moderate.”
Tumaas ito ng isang puntos mula sa +28 noong nakaraang survey.
Para kay Sotto, sinabi ng SWS na ang kanyang rating ay “it hardly changed from moderate +16.”
Sa survey, 44 percent ang satisfied sa performance ni Sotto, habang 28 percent ang dissatisfied.
Nagresulta ito sa +15 net satisfaction score, na nasa “moderate” classification din ng SWS.
Si Dy ay nakakuha ng +4 net satisfaction rating mula sa 32 percent satisfied at 28 percent dissatisfied respondents.
Si Gesmundo naman ay nagtala ng +9 mula sa 35 percent satisfied at 26 percent dissatisfied respondents.
Parehong pumasok sa “neutral” classification ng SWS ang ratings nina Dy at Gesmundo.
Bahagyang bumaba ang rating ni Dy mula +5 tungo sa +4, habang nanatili sa +9 ang rating ni Gesmundo. /Bistado