MANILA — Malinaw ang sentimyento ng publiko sa usapin ng impeachment laban kay Vice President Sara Duterte matapos lumabas sa pinakabagong survey ng OCTA Research na karamihan ng mga Pilipino ay pabor na ituloy ang paglilitis sa Senado.
Ayon sa “Tugon ng Masa” survey na isinagawa noong Marso 19 hanggang 25, 2026 sa 1,200 adult respondents sa buong bansa, 69% ng mga Pilipino ang naniniwalang dapat humarap sa impeachment trial si Duterte, habang 28% ang tutol at 3% ang hindi pa makapagdesisyon.
Mas mataas ang suporta sa Visayas na umabot sa 83%, sinundan ng National Capital Region na may 81%. Sa Balance Luzon, nasa 69% ang pabor, habang sa Mindanao ay nananatiling mayorya ang suporta sa 61%.
Bukod dito, ipinakita rin ng survey na mataas ang awareness ng publiko sa impeachment complaints laban sa Bise Presidente. Umabot sa 87% ng mga Pilipino ang nagsabing may alam sila tungkol sa kaso, habang 12% ang hindi aware at 1% ang undecided.
Sa regional breakdown, pinakamataas ang awareness sa Mindanao (91%) at Visayas (88%), kasunod ang NCR (87%) at Balance Luzon (78%) . Ipinapakita nito na laganap na ang kaalaman ng publiko tungkol sa isyu, kahit pa may pagkakaiba-iba sa antas ng impormasyon sa bawat rehiyon.
Ayon pa sa survey, ang mataas na suporta sa impeachment trial ay nagpapakita na tinitingnan ng publiko ang proseso bilang isang lehitimong mekanismo para tugunan ang mga seryosong alegasyon laban sa matataas na opisyal ng pamahalaan .
Dagdag ng OCTA, ang ganitong pananaw ay maaaring indikasyon ng sabayang pagnanais para sa pananagutan at due process, kung saan nakikita ng ilan ang paglilitis bilang pagkakataon para mailatag at masagot ang mga paratang sa isang pormal at transparent na forum .
Ayon kay Rep. Terry Ridon, chairman ng House Committee on Public Accounts, pinatutunayan ng survey ang seryosong pagtingin ng publiko sa impeachment process.
“The survey results demonstrate that the impeachment proceedings are neither fringe politics nor mere partisan controversy. The Filipino people are paying close attention, and a clear majority believes the constitutional process should proceed to trial,” ani Ridon.
Binigyang-diin din ng mambabatas na ang survey ay isinagawa bago pa ang pagdinig noong April 14 kung saan inilahad ang karagdagang testimonya at ebidensya sa House Committee on Justice.
“Importantly, these numbers were recorded even before the presentation of additional testimonial and documentary evidence during the April 14 hearing. Public support for constitutional accountability had already reached substantial levels even prior to the latest developments,” dagdag niya.
Ayon pa sa mambabatas, magpapatuloy ang Kamara sa pagtupad sa mandato nito sa ilalim ng Konstitusyon, partikular sa pagsusuri kung may sapat na basehan para iakyat ang kaso sa Senado bilang impeachment court.
“The House is not engaged in political theater, but in the discharge of a solemn constitutional duty. The Committee will continue to evaluate the facts, the testimony, and the documentary evidence presented before it, and determine whether the constitutional threshold for impeachment has been met,” ani Ridon.
Dagdag pa niya, malinaw sa resulta ng survey na inaasahan ng publiko na hayaang umandar ang mga institusyon ng pamahalaan ayon sa kanilang tungkulin.
“The Filipino people are watching closely. They understand the gravity of the allegations. And they expect constitutional institutions to do their duty and allow the process to run its proper course,” diin ng kongresista. /Bistado