Na-deface ang official website ng Senado nitong Huwebes matapos umanong mapasok ng grupong nagpakilalang “Nullsec Philippines” o “Nullsec PH.”
As of posting, isinailalim sa maintenance ang Senate website matapos lumitaw kaninang umaga ang mga unauthorized post sa isang page nito.
Ayon sa grupo, mino-monitor nila ang mga development sa gobyerno at nananawagan sila ng transparency at accountability mula sa public officials.
Sa Facebook post na iniuugnay sa grupo, sinabi nito: “The Filipino people entrusted you with power, responsibility, and the duty to serve the nation—not personal interests, political dynasties, or corrupt networks. Every peso lost to corruption is a meal taken from a family, a classroom left unfinished, and a future denied.”
Kinumpirma naman ng Senado na nagkaroon ng defacement incident at nagsimula na ang imbestigasyon.
“Upon detection of the incident, our technical team immediately initiated security protocols, contained the issue, and commenced a comprehensive investigation to determine the cause and extent of the unauthorized activity,” ayon sa Senado.
Dagdag pa nito: “Additional security measures are also being implemented to prevent similar incidents from occurring in the future.”
Habang iniimbestigahan ang insidente, hindi muna normal na ma-access ang Senate website at makikita sa portal na ito ay under maintenance.
Wala pang detalyeng inilalabas ang Senado kung aling page ang unang naapektuhan, gaano kalawak ang unauthorized activity, o kung may data na nakompromiso. /Bistado