Pinag-aaralan ng Philippine National Police (PNP) ang paggamit ng community security forces gaya ng barangay tanod at posibleng pagbabawal ng gadgets sa mga paaralan para palakasin ang seguridad matapos ang mga insidente ng pamamaril na kinasasangkutan ng mga estudyante.
Handa rin umanong sumali ang PNP sa proposed Joint School Safety Task Force ng Department of Education (DepEd), na magsasagawa ng site-specific security audits sa public schools sa buong bansa.
Ayon sa PNP, maaaring magsilbing force multipliers ang mga barangay tanod mula sa mahigit 42,000 barangay para tumulong sa pagbabantay sa tinatayang 49,000 public at private schools.
Sinisilip din ng PNP ang security practices ng ibang bansa na tinalakay sa ASEANAPOL Conference na ginanap sa Pilipinas noong July, kasunod ng June 22 gun attack sa Tacloban City na ikinasawi ng tatlong estudyante.
“In the different schools in other countries, they banned the use of gadgets like cellular phones and the like. They also implemented a lot of projects and programs,” ayon sa PNP.
Tatalakayin ang mga posibleng hakbang kasama ang DepEd at Department of the Interior and Local Government (DILG) kapag nabuo ang task force.
Pinaigting din ang pagtutok sa online threats matapos ang September 18 shooting sa Banga National High School sa South Cotabato na ikinasawi ng tatlong minors, kabilang ang shooter.
Inatasan ang Anti-Cybercrime Group na palakasin ang surveillance at aksyon laban sa cyber-related threats.
“The recent incident in a school in South Cotabato underscores the need for stronger coordination and action, particularly against online spaces that promote or glorify violence,” ayon sa PNP.
Sa Metro Manila, palalakasin naman ng National Capital Region Police Office (NCRPO) ang koordinasyon sa local government units, school administrators, security personnel at iba pang stakeholders.
“We are taking the lessons from these incidents seriously, but we also want to assure parents, students, and our school communities that there is no reason to panic. Our approach is to strengthen prevention, improve coordination, and respond to risks based on facts and credible information,” ani NCRPO Officer-in-Charge Brig. Gen. Christopher Abrahano. /Bistado