Humihingi ang Marcos administration ng karagdagang P300 million sa proposed 2027 national budget para makumpleto at mapatakbo sa susunod na taon ang matagal nang hinihintay na Bukidnon Airport sa Don Carlos.
Inihayag ito ng Office of the Executive Secretary matapos inspeksyunin ni Executive Secretary Ralph Recto nitong Biyernes ang ongoing construction sa Barangay Maraymaray.
“President Marcos wants the Bukidnon Airport completed by 2027 so it can begin creating jobs, attracting investments and bringing more tourists to the province,” sabi ni Recto.
Kapag naaprubahan, aabot sa P1.66 billion ang kabuuang pondong inilaan ng Marcos administration sa proyekto mula sa P1.36 billion mula 2022. Umabot naman sa P3.17 billion ang kabuuang government funding para sa airport.
Sa ilalim ng Marcos administration, P1 billion ang inilaan para sa Phase IV noong 2022, sinundan ng P310 million noong 2024 at P50 million noong 2025.
Dinisenyo ang bagong airport para tumanggap ng jet aircraft at bigyan ang Bukidnon ng direktang air connectivity sa major economic at tourism centers sa bansa.
Mayroon itong 2,100-meter-long at 45-meter-wide runway, dalawang stub taxiways, at 43,050-square-meter apron na kayang tumanggap ng anim na aircraft.
Kasama rin sa proyekto ang 3,600-square-meter passenger terminal na kayang magsilbi sa hanggang 425 passengers, 2,500-meter runway strip, ancillary structures, at air navigation facilities.
Kaya rin ng runway ang mas malalaking commercial aircraft gaya ng Airbus A320 na karaniwang ginagamit sa domestic routes.
“If we can accommodate bigger aircraft and attract more flights and airlines, that can help bring fares down and make air travel more affordable for ordinary Filipinos,” sabi ni Recto.
Inaasahan ding makatutulong ang airport sa agricultural sector ng Bukidnon sa mas mabilis na pagbiyahe ng pineapples, bananas, corn, coffee, sugar, livestock, at iba pang produkto.
“Airports do more than connect destinations,” sabi ni Recto. “They connect businesses to customers and communities to jobs, investments, and essential services.”
“This airport will bring not only Bukidnon, but the whole Mindanao, closer to the rest of the Philippines and the rest of the country closer to the heart of Mindanao. It will allow people, products, and opportunities to move faster,” dagdag niya.
Kasama ni Recto si Sen. Juan Miguel Zubiri sa inspeksyon. /Bistado