NEGROS ORIENTAL – Arestado ng Philippine National Police (PNP) ang No. 3 Regional Most Wanted Person sa isang law enforcement operation sa Barangay Kalamtukan, Bayawan City, Negros Oriental noong June 5.
Kinilala ang naaresto sa alyas na “Ontoy,” 31-anyos, Filipino, at residente ng nasabing barangay.
Ayon sa PNP, nahuli ang suspek sa bisa ng warrant of arrest na inisyu ng Regional Trial Court sa Bayawan City para sa kasong Rape in Relation to Republic Act No. 7610.
Walang inirekomendang piyansa ang korte.
Ang warrant ay inisyu pa noong November 2015.
Isinagawa ang pag-aresto ng personnel ng Bayawan City Police Station Warrant Section sa pamamagitan ng Oplan Tracker operation, matapos ang sustained monitoring at validation efforts.
Ayon sa PNP, bahagi ang operasyon ng PNP Focused Agenda, partikular ang Enhanced Managing Police Operations, na nakatuon sa paghahanap at pag-aresto sa wanted persons para maiharap sila sa korte.
“The PNP remains firm in its mandate to pursue wanted persons and ensure that they are held accountable under the law. We assure the public that our operations are guided by due process, professionalism, and respect for human rights,” ani PNP Chief Police General Jose Melencio C. Nartatez Jr.
Nasa kustodiya na ngayon ng operating police unit ang naarestong indibidwal para sa proper documentation at turnover sa issuing court. /Bistado