Maaari na uling gamitin ng mga atleta at at coach ng Philippine team ang Baguio Track Oval, ayon sa Philippine Sports Commission (PSC)
Sina Baguio City Mayor Benjamin Magalong at PSC Chair Patrick Gregorio ang nanguna sa ribbon-cutting ceremony sa Track Oval sa Teachers Camp nitong Sabado.
Kasama sina PSC Commissioners Fritz Gaston at Walter Francis Torres sa mga nagtrabaho para sa renovation ng oval.
Nasa Baguio rin ang Philippine Athletics Track and Field Association president Terry Capistrano at secretary general Jasper Tanhueco, Philippine Football Federation secretary general Angelico Mercader, Department of Education Director for Administrative Services Joseph Conrad De Rama, at mga miyembro ng national boxing, kickboxing, muaythai at obstacle course.
Bukas rin ang Track Oval sa publiko mula 3 p.m. to 10 p.m. Linggo lingo maglalabas ng anunsyo kung may pagbabago sa schedule.
Samantala sa Dagupan City, tinanghal ito ng PSC bilang Regional Training Center for Gymnastics and Swimming
Sina Gregorio, Torres at Gaston para sa PSC, Mayor Belen Fernandez at Division Schools Superintendent Marciano Soriano Jr. ang lumagda sa memorandum of agreement sa Dagupan City People’s Astrodome noong Biyernes.
Kasalukuyan may summer sports camp sa Dagupan habang bakasyon ang mga kabataan.
Bilang regional sports hub, tutulong ang Dagupan at mga pasilidad nito na humubog sa mga batang atleta na maaaring maging kampeon ng susunod na henerasyon.