Sa recent post ng motivational speaker at kilalang content creator na si Chinkee Tan ay ibinahagi niya ang excitement nang malaman na si Michael V mismo ang nag-imbita sa kanya para sa special role sa isang episode ng Pepito Manaloto.
Ani ng TV host, halos 30 taon na siyang hindi regular na lumalabas sa TV (series) o pelikula. “Nagulat ako nang makatanggap ng imbitasyon para maging guest sa Pepito Manaloto—at mas nagulat pa ako nang malaman kong si Michael V. mismo ang nag-request. Matagal ko nang hinahangaan si Bitoy, kaya agad kong tinanggap ang invitation”, dagdag pa ni Chinkee. Para sa kaniya, isang alamat ang Comedy Genius na si Michael V.
Abangan ang special na episode ng Pepito Manaloto ngayong June 27 sa GMA.