Nakatakdang gumawa ng kasaysayan ang Lanao del Norte bilang host ng 1st Mindanao Youth Games (MYG) sa 2027, sa pakikipagtulungan ng Philippine Sports Commission (PSC).
Ang mga laro sa Abril 11-17 sa susunod na taon ay hudyat sa pagbabago ng lalawigan bilang pangunahing destinasyon para sa sports.
Tatlong magkakasunod na taon iho-host ng probinsya ang MYG hanggang 2029.
Sentro ng pagdaraos ng MYG ang Mindanao Civic Center (MCC), isang 70-ektaryang sports complex sa Tubod, kung saan libu-libong atletang edad 18 pababa mula sa 33 lungsod sa anim na rehiyon ng Mindanao ang magtitipon, kasama ang bisitang Timor Leste.
Kasama sa 12 hanggang 15 sports ng MYG ang football, athletics, swimming, basketball, volleyball, archery, tennis, combat sports at weightlifting.
Ipinagmamalaki ng MCC ang FIFA-certified football pitch, World Athletics-standard na track and field oval, Olympic-size swimming pool, gymnasium na may kapasidad na 5,000 manonood, at mga pasilidad para sa archery, tennis, combat sports at weightlifting. Mayroon din isang 5-star hotel.
“When I went there last month, I was really impressed and awed by the facilities. It’s really world-class,’’ ani PSC Chair Patrick Gregorio sa isang press conference sa Rizal Memorial Sports Complex sa Maynila.
“We will raise the level of the Games here so that new athletes and future national athletes from Mindanao can be discovered.”
Ayon kay Lanao Del Norte Governor Mohamad Khalid Dimaporo, pinaghahandaan nila ng husto ang MYG.
“We’re very happy to host the Mindanao Youth Games. And we’re very happy to work together with the PSC to bring in better sports experiences for our athletes,’’ ani Dimaporo.
“The problem with LGUs (local government units) is kanya-kanya. What we need is someone at the national level to give us direction. There is no leader until we finally have PSC Chairman Pato.”
Bukod sa mga kasalukuyang pasilidad, isang baseball/softball diamond ang malapit nang itayo sa tulong ng PSC at Philippine Amateur Baseball Association.
Hindi na bago sa kasaysayan ang MCC, matapos nitong i-host ang 2003 Palarong Pambansa. Sa mga pinahusay na pasilidad nito, nakahanda na itong tumanggap ng mas malalaking kaganapan, kabilang ang Batang Pinoy sa 2028 at posibleng isa pang Palarong Pambansa.
“We want every tournament we host to be sustainable. As Chairman Pato said, paano makakarating ang mga bata sa itaas if they’re not even given the chance to compete?” ani Lanao Del Norte 2nd District Rep. Sittie Aminah Dimaporo, ang kapatid ng gobernadora.
“Hosting competitions like this sets the standard, inspires our kids and motivates them to train harder.”
Tiniyak ni Governor Dimaporo na ganap na matutugunan ang pangangailangan ng mga atleta, opisyal at mga miyembro ng media, habang handang tumanggap sa kanila ang mga bagong hotel at resort ng lalawigan.
“People will realize that we don’t only host events in Manila. We go outside Metro Manila, to the Visayas, to Mindanao. The focus is to develop regional training centers. When you upgrade facilities in the provinces, it’s an opportunity to host as well,” ani Gregorio.
Ang mga pagpapahusay sa imprastraktura, kabilang ang Panguil Bay Bridge na nagdurugtong sa Ozamiz at Tangub City sa Tubod, at isang paliparang 30 minuto lamang ang layo, ay makatutulong upang maging mas madali ang pagpunta ng mga atleta, opisyal at bisita.
Kamakailan lamang ay nagdaos ang MCC ng mga laban ng Premier Volleyball League na dinaluhan ng libu-libong tagahanga mula sa Northern Mindanao, kasabay ng Mindanao Boy Scouts Jamboree na tinampukan ng mahigit 3,000 delegado.