Nagbigay ng patikim ang House impeachment prosecutors nitong Huwebes na may mas matibay na ebidensyang ilalabas sa susunod na linggo sa impeachment trial ni Vice President Sara Duterte.
Pero tumanggi silang magbigay ng detalye dahil sa sub judice rule, o bawal pag-usapan ang mga bagay na hindi pa natatalakay sa Senate impeachment court.
Sa House of Representatives, nagbigay ng updates sina House prosecution legal spokesperson Atty. Benjamin “Jay” Tolosa Jr., Deputy Speaker Francisco Paolo Ortega V ng La Union, San Juan City Rep. Ysabel Maria Zamora, at 1-Rider Party-list Rep. Rodge Gutierrez tungkol sa unang linggo ng trial at sa susunod na witnesses sa Article IV, ang grave threats article.
Tinanong si Tolosa kung may “pasabog” bang ipiprisinta ang prosecution sa susunod na linggo.
“Meron ho kaming matibay na ebidensya na ilalabas sa susunod na linggo,” sabi ni Tolosa.
“Because of the sub judice rule, we cannot talk about matters which were not yet discussed in the impeachment proceedings,” dagdag niya.
“That’s why we’re begging for your patience at this time,” sabi pa ni Tolosa.
Ayon sa kanya, maaari nang pag-usapan ang mga ito kapag nailatag na ng prosecution witnesses sa impeachment court.
“Pag nailatag na ho ‘yan ng witnesses namin, pwede na natin pag-usapan,” sabi niya.
Nang tanungin tungkol sa posibleng developments sa NBI inquiry, sinabi ni Tolosa na hintayin ang mga testimonya ng susunod na prosecution witnesses ng NBI.
“Let’s wait for the testimony of Director [Melvin] Matibag and the other regional director of the NBI,” sabi ni Tolosa.
“They will be testifying about the investigation conducted by the NBI in relation to this,” dagdag niya.
Ayon naman kay Zamora, nagsisimula pa lamang ang presentation ng prosecution sa Article IV.
“Umpisa pa lang po ito,” sabi ni Zamora.
“Hindi pa po tapos ang pagpresenta ng mga witness patungkol sa Article IV o ‘yung grave threats article,” dagdag niya.
Sinabi ni Zamora na isa pang NBI official ang susunod na haharap sa impeachment court.
“In the coming weeks, meron pa po tayong ibang witnesses, ang susunod naman po ay na-announce na at yun din po ay isa pang NBI official, yun po si Attorney Lotoc, which we will present on Monday,” sabi niya.
Hinimok din niya ang publiko na subaybayan ang trial.
“Sana po, subaybayan po ng ating public ang trial ng ating Vice President at marami pa po tayong mapupulot na kaalaman dito,” sabi ni Zamora.
Para sa prosecution, unang hakbang pa lang ang unang witness, hindi pa tapos ang Article IV, at sa court ilalatag ang susunod na ebidensya. /Bistado