Living her dream na maging beauty queen ang tingin ni Faith da Silva sa kanyang pagkakabilang sa cast ng upcoming movie na Red Crown. Minsan na rin kasing sinubukan ng Sparkle artist ang sumabak sa mundo ng pageantry noong teenager pa lang siya.
“Dinaan ko lang talaga lahat sa confidence,” pagbabahagi ni Faith sa interview sa 24 Oras.
Siya rin daw madalas ang pinakabata sa mga kandidata noon.
“Pero somehow, kuya, naipapanalo ko, na iuuwi ko ang korona.”
Sa Red Crown din daw natupad ang kanyang pangarap na bumida sa isang pelikula.
Bukod sa Red Crown, busy rin sa taping si Faith para sa upcoming Kapuso medical drama series na Code Grey.
Sa Oktubre na ipapalabas sa sinehan ang Red Crown.