Dalawang araw matapos magdiwang ng ika-21 kaarawan, sasabak na sa French Open si Alexandra Eala laban sa kaibigan na si Iva Jovic ng Amerika sa Martes.
Habang nag-eensayo, dinalhan si Eala ng birthday cake nina Jovic, Eva Lys ng Germany at Zeynep Sönmez ng Turkey at magkakasama nagdiwang kinagabihan.
Ngunit isasantabi ang pagkakaibigan sa oras ng laban at inaasahan ito kina world No. 17 Jovic at No. 37 Eala sa unang paghaharap nila.
Dalawang beses na nagsama sa doubles ngayong taon sina Eala at Jovic, kabilang ang semi final finish sa Auckland.
Sa unang laban sa Paris noong isang taon, natalo si Eala kay Emiliana Aranga ng Colombia sa first round pa lamang.
“I definitely feel more prepared than last year,” ani Eala sa press conference. “Of course, I have such a long way to go, but I think I’ve improved a lot in the past year as a player.”
Bago ang paghaharap, may 21-10 record si Jovic at 18-12 si Eala.
Nakatakda rin lumaban sa doubles si Eala kakampi si Victoria Mboko ng Canada.
Ani Eala, “super excited” sya sa Paris.
“We do the preparation, obviously, to arrive at the Grand Slam. So I’m feeling good. I’m happy — nothing on the line, nothing to lose. So I’m really excited,” ayon pa kay Eala.
Defending champion sina Jannik Sinner ng Italy at si Coco Gauff ng Amerika.