Inatasan ng Department of the Interior and Local Government (DILG) ang local government units (LGUs) na pabilisin at gawing mas simple ang approval process para sa renewable energy projects sa buong bansa.
Sa statement nitong Tuesday, sinabi ng DILG na naglatag ito ng mas streamlined guidelines sa pagkuha ng documentary requirements at paglilinaw ng procedures para sa applicants na humihingi ng local approval para sa renewable energy projects.
Nakasaad ito sa Memorandum Circular 2026-032 na inilabas noong May 11.
Sa ilalim ng directive, kailangan nang maglabas ang LGUs ng standardized Resolution of No Objection (RONO) sa pamamagitan ng Sangguniang Panlungsod o Sangguniang Bayan.
Papalitan nito ang dating Letter of No Objection (LONO) na inilalabas ng local chief executives.
Ang RONO ang pormal na palatandaan ng suporta ng LGU sa isang proposed renewable energy project.
Ayon sa DILG, layunin ng hakbang na bawasan ang unnecessary delays, alisin ang paulit-ulit na documentary requirements, at pagandahin ang coordination ng national government agencies at LGUs.
Sakop ng renewable energy projects ang infrastructure para sa energy storage systems, solar, wind, hydro, geothermal, biomass, at iba pang clean energy sources.
Para mapadali ang transaksyon, sinabi ng DILG na tatlong hakbang lamang dapat ang proseso para sa applicants: submission ng application forms at documentary requirements, receipt ng order of payment, at payment of fees kasabay ng issuance ng RONO.
Inaatasan din ang LGUs na aksyunan ang applications sa loob ng 45 working days mula sa pagtanggap ng complete requirements.
Kapag denied ang application, kailangan magbigay ang LGU ng written explanation at tukuyin ang remedial measures na maaaring gawin ng applicant.
Sinabi ng DILG na suportado ng directive ang energy security, conservation, at faster public service delivery push ni President Ferdinand R. Marcos Jr.
Kaugnay din ito ng Executive Order No. 110, na nagdeklara ng national energy emergency at muling nagpatibay sa commitment ng gobyerno sa clean at sustainable energy. /Bistado