Kaya pala matagal na halos hindi napapanood o nakikita sa TV ang kilalang TV-host actor na si Billy Joe Crawford ay dahil sa naging abala ito sa stint niya sa bansang France kamakailan para sa programang The Mask Singer France Season 9.
Matatandaang sa Philippine version ng contest ay si Billy ang host ng show na napanood nga sa TV5 ng tatlong season.
At bilang ni-represent niya ang Philippines sa season 9 ng parehong kontes sa France, marami ang nagulat na siya finally ang idineklarang grand winner sa final competition nito na naganap noong Hunyo 27, 2026 (Hunyo 28, 2026 sa Pilipinas).
Sa mga sumubaybay sa show, nasorpresa ang lahat nang mabulgar na siya pala ang nasa likod ng maskara ng The Donkey o L’ Âne.
Tinalo niya ang iba pang dalawampu’t dalawang (22) contestants ng Mask Singer France.
Ayon sa balita, naging consistent ang performances ni Billy since day one hanggang sa grand finals at lagi itong napupuri ng mga hurado lalo’t lutang na lutang ang husay nito sa pagkanta at pagsasayaw kaya siya ang idineklarang grand winner.
Ang “Let’s Get It Started” ng Black Eyed Peas, “Despacito” ni Luis Fonsi, “I Got You (I Feel Good)” ni James Brown, “Uptown Funk” ni Mark Ronson, at “Le Potrait” ni Calogero ang mga inawit ni Billy sa bawat kabanata ng naturang kumpetisyon.
Para sa grand finals ng Mask Singer France, ang “Beat It” ni Michael Jackson ang kinanta ni Billy at nagpanalo sa kanya.
Base sa socmed post ng aktor-host, “this was an absolutely amazing experience. Thank you to my Mask Singer TF1 family for keeping me a secret for a whole month! Thank you to the costume designers for your incredible patience and for the countless adjustments you made along the way.
To everyone who voted for me, thank you from the bottom of my heart.”
“L’Ane was a very special character to me because I chose it with my son Amari in mind. I figured if he loved it, everyone else would too!
“Most of all, thank You, Lord God, for giving me the courage, strength, and opportunity to compete—and on top of that, to win!”
Matatandaang una ng nanalo bilang grand champion si Billy sa Season 12 ng Danse avec les stars, ang French version ng Dancing with the Stars na napanood sa TF1 ng France mula Setyembre 9, 2022 hanggang Nobyembre 11, 2022.