Alert, mga motorista!
Nakaamba ang panibagong malaking taas-presyo sa gasolina at diesel sa Martes, September 8, matapos ang rollback nitong nakaraang linggo, dahil sa muling pag-init ng tensyon sa Middle East, mahigpit na global fuel supply, at paghina ng piso kontra dolyar.
Batay sa full-week trading mula August 31 hanggang September 4 at foreign exchange averages, tinatayang tataas ang diesel ng P4.50 hanggang P5.50 kada litro, habang P4.00 hanggang P4.50 kada litro naman ang posibleng dagdag sa gasolina.
May naunang projections na posibleng umabot sa P6 kada litro ang diesel hike, pero ang mas bagong full-week estimate ay nasa P4.50 hanggang P5.50 range.
“Continued US strikes on Iran and renewed Israeli threats against Tehran have kept Middle East supply risks and oil prices elevated,” ayon sa isang oil industry source.
“The considerable depreciation of the Philippine peso this week versus the US dollar also contributed to the further swelling of the potential increase on next week’s prices,” dagdag nito.
Nananatiling limitado ang fuel supply mula sa Middle East dahil sa nagpapatuloy na conflict. Naaapektuhan din ang Russian supply ng disruptions sa refinery operations at attacks sa energy infrastructure.
“Middle Eastern fuel exports remain constrained due to the persisting conflict and Russian supply to the international markets limited amid continued disruption to the country’s refinery operations,” sabi pa ng industry source.
“Despite China easing its refined product export controls, fuel markets in Asia remain tight as supplies from other global suppliers are still restricted,” dagdag nito.
Nakakadagdag din sa pressure ang pagbaba ng fuel flows sa Strait of Hormuz, isang mahalagang ruta ng global energy trade.
Kung matutuloy ang hike, babawiin nito ang malaking bahagi ng rollback na ipinatupad noong September 1. Nagbawas noon ang oil companies ng P0.30 hanggang P0.40 kada litro sa gasolina, P3.80 hanggang P3.90 sa diesel, at P3.80 hanggang P3.84 sa kerosene.
Hindi pa final ang projected increases. Karaniwang inaanunsyo ng oil companies tuwing Lunes ang aktwal na price adjustments na ipatutupad kinabukasan. /Bistado