LAGUNA – Sisimulan na ng Arthaland Corp. ang turnover ng mga unit sa Una Apartments project nito sa Biñan, Laguna.
Ayon kay Oliver Chan, executive vice president at sustainability officer ng Arthaland, malakas ang market demand para sa development.
Fully sold ang Tower One sa loob ng unang 10 buwan matapos ilunsad noong September 2022.
Katatapos lang din ng topping off ceremony ng Tower Two, na 83 percent sold na at target makumpleto sa December 2028.
Hinihila ng proyekto ang interes ng investors, international retirees, at parents na naghahanap ng tirahan malapit sa De La Salle University campus sa Laguna.
Tatlong towers ang kasalukuyang under construction, habang may planong palawakin ito hanggang limang towers depende sa market conditions.
Available ang units sa studio at one-bedroom configurations. May sukat na 28 square meters ang studio units at 38 square meters ang one-bedroom units.
Nasa P6.5 million ang studio units, habang P8.5 million ang one-bedroom units. Mas mataas na ito ng 22 percent at 12 percent mula sa initial launch rates.
Idinisenyo ang Una Apartments para sa efficiency at wellness. May energy-efficient systems ang units na maaaring magpababa ng utility costs nang hanggang 20 percent.
Mayroon ding soundproofing, carbon monoxide detectors, 2.6-meter high ceilings, air filtration systems, at eco-friendly construction materials.
Matatagpuan ang Una Apartments sa Sevina Park, isang 8-hectare masterplanned community na naglalaan ng 60 percent ng area nito sa green at open spaces.
Kinilala ang Sevina Park bilang unang mixed-use community sa Southeast Asia na nakakuha ng Platinum LEED certification para sa parehong Neighborhood Development at Homes. /Bistado