Target bawasan ng 15 hanggang 20 percent ang average peak-hour travel times sa major roads ng Lipa City gamit ang artificial intelligence-driven traffic monitoring system na aprubado na ng Department of Science and Technology (DOST).
Ayon kay DOST Batangas Information Officer John Maico Hernandez, inaprubahan ng DOST regional office ang “AI-Powered Traffic Analytics and Decision Support System for Sustainable Mobility and Traffic Decongestion in the City of Lipa” at pormal na itong ipinaabot kay Lipa City Mayor Eric Africa.
Ang proyekto ay bahagi ng Smart and Sustainable Communities Program, isang collaboration ng DOST-Calabarzon at Lipa City government.
“Lipa City is the first local government unit in Batangas province to implement the project,” ani Hernandez.
Sa ilalim ng DOST Grants-in-Aid Program, maglalaan ang lungsod ng P4 million counterpart funding. Sasabayan ito ng P3 million grant ng DOST para ma-deploy ang SEERMO, isang AI-assisted urban mobility analytics platform.
Gagamitin ng SEERMO ang existing closed-circuit television footage, administrative records, at targeted field validation para makabuo ng integrated traffic analytics para sa planners.
Ima-map ng platform ang traffic flow, vehicle volumes, congestion hotspots, at mobility behavior gamit ang AI-assisted methods at transport planning tools.
Layunin ng sistema na pagandahin ang traffic management at road safety sa Lipa.
Sa ngayon, umaasa ang lungsod sa manual observation, fixed signal timing, road widening, at alternate routes para tugunan ang congestion.
Dahil wala pang integrated at objectively analyzed data, limitado ang kakayahan ng lungsod na tukuyin ang paulit-ulit na bottlenecks at maglatag ng long-term solutions.
Inaasahang palalakasin ng proyekto ang institutional planning gamit ang science-based at data-driven decision-making. /Bistado