ZAMBOANGA CITY — Dalawang high school student, kabilang ang pinaghihinalaang gunman, ang nasawi habang dalawa pa ang sugatan sa pamamaril sa loob ng campus ng Ateneo de Zamboanga University (AdZU) nitong Martes, August 18.
Ayon sa mga opisyal, may dalang dalawang baril ang estudyanteng suspek nang pagbabarilin at mapatay nito ang isang kapwa mag-aaral. Pagkatapos ng pag-atake, pinatay umano ng suspek ang sarili.
Sinabi ni Zamboanga City Mayor Khymer Adan Olaso na unang nagpaputok ang suspek sa direksiyon ng isang teacher. Hindi pa malinaw kung tinamaan ang guro.
Pagkatapos nito, binaril umano ng suspek ang isang kapwa estudyante na nasawi. Dalawa pang tao ang iniulat na sugatan, ngunit hindi tinukoy kung kabilang sa mga ito ang teacher.
Ayon pa kay Olaso, tila nakasuot ng body camera ang suspek at posibleng ginamit ito upang i-livestream ang pag-atake. Wala pang iniulat na motibo sa pamamaril.
Daan-daang estudyante ang agad na inilikas matapos marinig ang mga putok. Hindi pa malinaw kung paano naipasok ng suspek ang dalawang baril sa campus.
Kinumpirma ng AdZU ang dalawang nasawi at sinabing nakikipag-ugnayan ito sa mga awtoridad para sa kumpletong detalye.
“The Ateneo de Zamboanga University is saddened by the incident that happened today on our JHS campus. As of now, we confirm 2 fatalities. As for other information, we are coordinating with the authorities for a full report, with details to be provided as soon as possible,” pahayag ng AdZU.
“The safety of our students is our top priority. We have already coordinated with parents and guardians to pick up their children, and the university has ensured the safety of those remaining on campus. We have set up official communication channels and will relay these information to the public as soon as possible,” dagdag ng university.
Kasunod ng insidente, sinuspinde ng AdZU ang klase sa lahat ng antas mula Martes, August 18, hanggang Miyerkules, August 19.
“In view of the circumstances affecting the University community, and to allow sufficient time to attend to the safety and well-being of our students and personnel, classes at all levels are suspended effective today, August 18, 2026, until tomorrow, August 19, 2026,” saad sa memorandum na nilagdaan ni University President Fr. Ernald M. Andal, SJ.
Sinabi ng AdZU na patuloy itong nakikipag-ugnayan sa law enforcement at iba pang kinauukulang awtoridad. Maglalabas pa ito ng advisories kapag may verified information at kung kinakailangan.
Naglabas din ng pahayag ang Department of Education (DepEd) kaugnay ng insidente.
“DepEd stands with the Ateneo de Zamboanga community during this difficult time and is ready to extend whatever support and assistance we can to the affected learners, families, school personnel, and concerned authorities,” anang ahensya.
“We are also coordinating with mental health partners to provide Psychological First Aid and psychosocial support to those affected. We urge the public to refrain from spreading unverified information and sharing sensitive photos, videos, or details about the incident, especially since minors are involved,” dagdag ng DepEd.
Nangyari ang insidente matapos ang school shooting noong June sa Tacloban City, kung saan tatlong estudyante ang nasawi at hindi bababa sa 20 ang nasugatan. /Bistado