Arestado ang isang lalaki matapos makumpiskahan ng anim na hindi lisensiyadong baril sa isinagawang raid sa Sariaya, Quezon noong Lunes, August 10.
Isinagawa ang operasyon sa Barangay Lutucan 1 ng Criminal Investigation and Detection Group (CIDG) Quezon Provincial Field Unit, Quezon 2nd Provincial Mobile Force Company (PMFC), at Sariaya Municipal Police Station.
Nakuha umano sa suspect ang isang caliber .45 pistol, caliber 9mm pistol, caliber .22 rifle, caliber .22 revolver, 12-gauge shotgun, at improvised caliber .380 firearm.
Nakumpiska rin ang ilang magazine at bala.
Ayon sa Philippine National Police, isinagawa ang raid sa bisa ng isang search warrant.
Wala umanong naipakitang License to Own and Possess Firearms ang suspek. Hindi rin nakarehistro sa Firearms and Explosives Office ang mga nakumpiskang armas. /Bistado