Naging malaking isyu ang binitawang statement ni Barbie Forteza sa mediacon ng Saving Cherry kamakailan tungkol sa pagkakaroon niya ng bagong leading man.
Sa naturang mediacon ay naging kontrobersyal ang interpretasyon ng marami sa tinuran ni Barbie na “finally, nagkaroon na ako ng leading man na maayos,” statement.
Ang aktor na si Khalil Ramos ang leading man ni Barbie sa nasabing Regal Ent. movie na sa Sept. 2 na ipapalabas.
Dahil dito ay na-intriga hindi lang ang media friends ni David Licauco kundi maging ang mga fans nila na tinawag pang BarDa (Barbie-David) mula sa matagumpay nilang tambalan sa mga TV at movie projects na pinagsamahan nila.
“Talaga, sinabi niya? Ako I am just really grateful for the years na magkasama kami. I think marami kami pinagdaanan na, endorsements and shows na nagawa together,” panimulang tugon ni David sa pagtatanong ng media friends.
Hirit pa ng guwapong aktor, “We worked together. I am grateful sa partnership namin. I have nothing but praises for her. Napaka galing niya na actress. I wish her well. If that is her opinion, it is okay.”
Ang nasabing pahayag ni David ay nangyari nang muli siyang pumirma ng bagong series contract with Viva, in partnership with ALV Talent Circuit.
Subalit malinaw na klinaro ni David na okey sila ni Barbie at magkaibigan pa rin hanggang sa ngayon.
“Barbie is doing her own things. Marami siya ginagawa ngayon na projects and I am proud of her. [Off camera] we are okay,” sambit pa ni David na proud ding nagpahayag na kahit hindi man daw siya ang larawan ng isang ‘perfect gentleman’, “I try to always give my best.”
Ang tila makahulugan pang winika ni David, “Maybe not perfect. There were times I was late sa taping. But nang tumagal ng love team and pinagsamahan namin hindi naman ako naging late. In terms of acting— okay naman, I guess. May awards naman ako.”
“Whenever I go to a taping day, I come prepared. I don’t think there was ever a day dumating ako ng hindi ko memorize lines ko. Sa gabi inaaral ko script ko. Ayoko nag-procrastinate,” pagtatapos pa ni David.