Naglunsad ang digital lender na Tala Philippines ng bagong in-app feature para tulungan ang borrowers na mas malinaw na makita ang kanilang credit journey, mabawasan ang financial uncertainty, at mahikayat ang responsible borrowing.
Tinawag na Grow with Tala, pinapayagan ng feature ang users na i-track in real time ang kanilang financial progress, kabilang ang guaranteed credit limit increases bago pa maging due ang kasalukuyang loan, basta on-time ang repayments.
Dumating ang rollout habang mas tumitindi ang kompetisyon ng digital lenders hindi lang sa bilis at accessibility, kundi pati sa customer engagement at financial wellness.
Batay sa Tala Philippines’ Financial Health Score Survey, marami umanong Filipinos ang nakararanas ng financial stress hindi lang dahil sa limitadong kita, kundi dahil kulang ang visibility sa kanilang future borrowing capacity at sa kanilang financial progress.
“We understand that uncertainty is a big source of stress for our borrowers, especially those juggling multiple financial commitments,” sabi ni Tala Philippines General Manager Moritz Gastl. “We designed this tool to bring clarity and purpose to financial management, giving our customers a clear path to actively shape the future they’ve always envisioned with Tala.”
Makikita ang Grow with Tala sa “growth tree” icon sa Tala app. Nasa dashboard ang snapshot ng credit history, current loan status, available credit limit, upcoming review dates, at milestones para ma-unlock ang mas mataas na borrowing limits at dagdag rewards.
Bukod sa progress tracking, pinapalakas din ng platform ang healthy borrowing habits sa pamamagitan ng payment reminders, real-time eligibility updates, at mga incentives para sa consistent on-time repayments. Kasama rin sa dashboard ang referral rewards at iba pang bonus.
Ayon kay Chief Product Officer Nicolas Cabrera, bahagi ang feature ng mas malawak na strategy ng Tala na gamitin ang technology para gawing mas transparent at empowering ang credit, hindi lang transactional.
Habang lumalawak ang digital lending sa Pilipinas, mas maraming financial technology firms ang naglalabas ng mga tool na nagtataguyod ng financial literacy at responsible credit behavior, kasabay ng access sa financing.
Para sa Tala, maaaring palakasin ng mas malinaw na visibility sa financial standing ng customers ang repayment discipline at customer loyalty sa mas competitive na merkado. /Bistado