Nakapagtala ang Philippine Institute of Volcanology and Seismology (Phivolcs) ng ground deformation sa ilang bahagi ng Sarangani at General Santos City matapos ang magnitude 7.8 earthquake na yumanig sa Mindanao noong June 8.
Ayon kay Phivolcs Director Teresito Bacolcol nitong Lunes, nakita sa aerial at ground assessment ang mga palatandaan ng paggalaw at pagkasira ng lupa sa ilang lugar.
“Based on the aerial and ground assessment, landslides, tension cracks, road subsidence, and rockfalls were seen in several areas in Sarangani, Davao Occidental and General Santos City, Glan and Malapatan, Sarangani, portions of General Santos and T’boli Road, as well as some sections of Sarangani-Davao Occidental Coastal Road,” sabi ni Bacolcol.
Babala ni Bacolcol, delikado ang mga lugar na may tension cracks dahil maaari itong gumuho, lalo na kapag malakas ang ulan.
“Places with tension cracks might collapse, especially during heavy rains,” sabi niya.
Muli rin niyang iginiit na kailangang hikayatin ang mga residente at local government units na magsagawa ng relocation sa mga delikadong lugar.
Ayon kay Bacolcol, dapat sundin ng mga residente sa landslide-affected areas ang advisories ng local government units at maging alerto sa mga bagong bitak o paggalaw ng dalisdis.
“Be ready to evacuate when needed,” paalala niya.
Patuloy pa ring lumilikha ng aftershocks ang magnitude 7.8 offshore Sarangani earthquake.
As of Monday, nakapagtala na ang Phivolcs ng 6,144 aftershocks na may magnitude mula 1.2 hanggang 6.4.
Sa bilang na ito, 1,473 aftershocks ang na-locate, habang 78 ang naramdaman, ayon sa Phivolcs. /Bistado