Nilinaw ng Armed Forces of the Philippines na ang tinaguriang 18 “Marines” na humarap sa Senate proceeding noong Thursday ay wala na sa active military service noong panahong sinasabing nangyari ang mga alegasyong kaugnay ng flood control mess.
Sa mensahe sa reporters nitong Friday afternoon, sinabi ni AFP public affairs office chief Col. Xerxes Trinidad na dapat maging malinaw ang paggamit ng terminong “Marines” o “Ex-Marines” dahil maaaring magbigay ito ng maling impresyon na sangkot ang institusyon.
“While some reports have collectively described them as ‘Marines’ or ‘Ex-Marines,’ it is important to note that they were no longer in active military service at the time of the acts and allegations being discussed. These were undertaken in their private capacities and not on behalf of the AFP,” ani Trinidad.
Ayon pa sa AFP, hindi rin lahat ng mga indibidwal na ito ay dating miyembro ng Philippine Marine Corps.
Sinabi ni Trinidad na ang tuloy-tuloy na paggamit ng terminong “Marines” ay maaaring magpahiwatig, kahit hindi sinasadya, ng institutional involvement ng AFP o Philippine Marine Corps sa mga alegasyong pinag-uusapan.
“For accuracy, we respectfully encourage the use of the individuals’ names, or simply refer to them as witnesses, affiants, or former staff/bodyguards of the concerned personalities, as appropriate,” ani Trinidad.
Muling umingay ang usapin matapos humarap ang mga sinasabing witness sa Senate proceeding at sabihing security aides sila ni dating Ako Bicol party-list Rep. Zaldy Co.
Inakusahan nila ang ilang politiko at prominent personalities na tumanggap umano ng bags at luggage na puno ng pera.
Pero hindi ito ang unang beses na lumutang ang grupo sa publiko.
Noong February, sinabi na ng Philippine Navy na apat sa 18 sinasabing dating Marines ay hindi kailanman naging bahagi ng serbisyo, habang karamihan sa kanila ay dishonorably discharged.
“Based on official records, (four) were never members of the PN or the PMC (a type unit under the Navy). Majority of the individuals were discharged dishonorably from the service, while others were able to retire in good standing,” ani Philippine Navy spokesperson Capt. Marissa Martinez noon sa mensahe sa Philippine News Agency.
Tinanong kung ilan sa dating Philippine Marine Corps members ang dishonorably discharged, tumanggi si Martinez na magbigay ng eksaktong bilang bilang respeto sa kanilang mga pamilya.
“We cannot give a number because of the families, especially if they were dishonorably discharged,” dagdag niya.
Pinaalalahanan din ni Martinez ang publiko na maging mapanuri at i-verify ang accuracy at credibility ng impormasyon, kasama ang source at platform na pinanggalingan nito. /Bistado