Unahin ang kapakanan ng mga bata kesa remote voting.
Yan ang pahayag ni Sen. Risa Hontiveros matapos muling manawagan na ipasa na ng Senado ang mas pinalakas na panukala laban sa online sexual abuse and exploitation of children, o OSAEC, sa halip na maipit ang chamber sa usapin ng videoconferencing ng mga senador.
“Kami dito sa Senado, dapat nating tigilan ang pag-aaksaya ng panahon sa usapin ng videoconferencing ng mga Senador, at tutukan na ang mga mahahalaga at totoong isyu, tulad ng pag-aabuso sa ating mga bata (We in the Senate should stop wasting time on issues such as videoconferencing for senators and instead focus on important and real issues such as the abuse of our children),” ani Hontiveros.
Ginawa ni Hontiveros ang panawagan matapos lumabas na ranked 15th ang Pilipinas sa 60 bansa sa 2026 Out of the Shadows Index, isang global benchmark na sumusukat sa response ng mga gobyerno sa sexual violence laban sa children at adolescents.
Para kay Hontiveros, hindi sapat ang ranggong ito lalo na sa laki ng problema ng bansa sa online sexual abuse and exploitation of children.
“Ranking 15th in the global index on child sexual violence response is certainly not satisfactory. Hindi ito sapat. Hindi pwedeng nag-na-number two tayo bilang global hotspot ng online sexual abuse and exploitation of children, pero sa pag-responde ay ganito kababa (This is not enough. We cannot be the No. 2 global hotspot for online sexual abuse and exploitation of children while ranking this low in responding to it),” sabi niya sa statement.
Ayon kay Hontiveros, dapat nang unahin ng Senado ang proposed strengthened anti-OSAEC law, lalo na habang lumalawak ang mga bagong anyo ng pang-aabuso sa mga bata.
Sakop ng panukala ang AI-generated child sexual abuse materials at sexual extortion na target ang minors.
“It all the more makes it urgent for us in the Senate to pass the strengthened Anti-OSAEC Law that we, together with law enforcement and other stakeholders, are currently working on,” ani Hontiveros.
“Sa gitna ng kaguluhan sa Senado, pilit po nating tinatrabaho ito dahil malaki ang banta ng AI sa ating mga anak (Amid the turmoil in the Senate, we continue to work on this because AI poses a major threat to our children),” dagdag niya.
Sinabi ni Hontiveros na pasado na sa House of Representatives ang bill at nasa period of amendments na sa Senado, o isa sa huling yugto bago maipasa.
Pero naipit umano ang usad nito matapos ideklarang bakante ang chairpersonship ng Senate Committee on Women and Children.
“Nasa period of amendments na ang bill, final stage na (The bill is already in period of amendments, it’s in the final stage). But the bill is now in limbo because the chairpersonship for the Committee on Women and Children was declared vacant,” ani Hontiveros.
Ayon sa UNICEF, nasa 2 million Filipino children ang sumailalim sa online sexual abuse and exploitation noong 2021.
Dahil dito, giit ni Hontiveros, mas dapat tutukan ng Senado ang child protection at ang pagpasa ng batas na sasagot sa bagong banta ng online abuse kaysa mag-aksaya ng oras sa remote voting at videoconferencing ng mga senador. /Bistado