Pinatibay ng Filinvest Land, Inc. ang balance sheet nito sa first quarter ng 2026 matapos bawasan ng P4.1 billion ang unsold residential inventory, kasabay ng pagtutok ng kumpanya sa mas mabilis na asset turnover at mas maayos na paggamit ng kapital.
Ang Filinvest Land ay listed property development arm ng Gotianun Group.
Ayon sa kumpanya, malaking bahagi ng inventory reduction ay galing sa record ready-for-occupancy sales na umabot sa P1.7 billion sa unang quarter.
Sa ganitong hakbang, nakapag-unlock ang kumpanya ng cash mula sa existing assets habang nababawasan ang inventory holding costs.
Tumaas ang consolidated revenues ng Filinvest Land sa P6.31 billion mula January hanggang March.
Umabot naman sa P1.10 billion ang net income nito sa parehong period.
Ayon sa kumpanya, ipinapakita ng resulta ang disciplined financial at operational execution sa gitna ng mas selective na property market.
“Our priority has been to ensure that every peso of capital is working toward growth,” ani Filinvest Land president and chief executive officer Tristan Las Marias.
“By successfully moving P4.1 billion in inventory this quarter, we have strengthened our balance sheet. This disciplined execution allows us to pursue new high-value opportunities with absolute confidence,” dagdag niya.
Ang pagtutok ng Filinvest Land sa pagbenta ng existing inventory ay dumating habang mas pinapahalagahan ng property developers ang liquidity preservation at mas mabilis na paggalaw ng assets dahil sa mataas na interest rates at maingat na consumer spending.
Ayon sa industry analysts, nagiging mahalagang revenue driver ang ready-for-occupancy units para sa developers na naghahanap ng agarang cash flow, lalo na habang sensitibo pa rin sa financing costs ang project launches at preselling activity.
Sinabi ng Filinvest Land na inilalagay ng strategy nito ang kumpanya sa mas flexible na financial position habang hinahabol ang expansion opportunities sa key segments ng property market.
Ang Filinvest Land, property arm ng Filinvest Development Corporation, ay may mahigit 280 projects nationwide.
Sakop ng portfolio nito ang residential communities, condominiums, office developments, retail centers, mixed-use estates, at industrial parks. /Bistado