CALASIAO, Pangasinan – Malapit nang magamit ng mga residente ng Calasiao ang bagong Super Health Center sa Barangay Dinalaoan matapos itong i-inaugurate noong May 8.
Ayon kay Department of Health Ilocos Center for Health Development director Paula Paz Sydiongco, inaasahang mapapalawak ng pasilidad ang access sa essential medical services, lalo na para sa underserved at vulnerable communities.
Mag-aalok ang center ng primary care consultations, laboratory services, maternal and child healthcare, immunization, tuberculosis screening, non-communicable disease management, at iba pang preventive health programs.
Layunin nitong makatulong sa early detection at treatment habang binabawasan ang pasanin sa hospitals.
“This health center would significantly uplift health outcomes in a way that it improves the community and the whole of Calasiao,” ani Sydiongco.
Sinabi rin niya na magsisilbi ang pasilidad sa mga residente anuman ang kanilang economic background.
Pinondohan ang Super Health Center sa ilalim ng Health Facilities Enhancement Program, na may mahigit P9 million para sa structure at P2 million para sa equipment.
Ang lote kung saan itinayo ang pasilidad ay donasyon ni engineer Wilfredo Decena at ng kanyang pamilya.
Nagpasalamat naman si Mayor Patrick Caramat sa national government, dahil makikinabang dito lalo na ang mga residente sa barangay na malayo sa town proper, kung saan karaniwang naroon ang ibang medical at health facilities.
Ayon kay Caramat, hinihintay na lamang nila ang license to operate bago tuluyang makapagserbisyo ang center sa medical at healthcare needs ng mga residente. /Bistado