Pwede nang umutang ng hanggang P5 milyon ang mga operator ng public utility vehicles (PUVs) para makalipat sa electric vehicles o EVs, matapos ilunsad ng gobyerno ang E-Transport Loan program ng Small Business Corporation o SBCorp, lending arm ng Department of Trade and Industry (DTI).
Inilaan ang P2 bilyong pondo para sa programa, na inilunsad sa DTI main office sa Makati City nitong Martes. Ayon kay DTI Secretary Ma. Cristina Roque, layunin nitong tulungan ang transport sector na makalipat sa EVs, lalo na sa gitna ng problema sa suplay ng langis sa buong mundo dahil sa tensyon sa Middle East.
“So, it’s good to transition to electric vehicles now. Under the leadership of President Ferdinand R. Marcos, Jr., we are taking a whole government approach now to respond to the ongoing energy crisis. Meaning, all of us Cabinet Secretaries are making sure that we get things done right away,” ani Roque.
“This is our hope. Because that is the order of our President – to make sure we have programs that are relevant and programs that will actually uplift our countrymen. And for today, it is the transport sector.”
Sa ilalim ng programa, maaaring umutang ang mga kwalipikadong operator ng hanggang P1.5 milyon kada sasakyan, na may maximum cap na P3 milyon. Ang loan ay pwedeng bayaran sa loob ng hanggang limang taon, na may grace period na aabot sa isang taon.
Sinabi rin ni Roque na kapag naubos ang P2 bilyong pondo, maaari itong dagdagan mula sa pondo para sa micro, small, and medium enterprises o MSMEs. Hinikayat niya ang mga operator na samantalahin ang programa, kasabay ng pagpapalawak ng charging infrastructure para sa EVs. /Bistado