NEGROS OCCIDENTAL — Nagkaloob ang Sugar Regulatory Administration (SRA) ng P27 milyon halaga ng mechanization machinery at equipment para suportahan ang mga magsasaka ng tubo, ayon sa ahensya.
Isinagawa ang turnover sa La Granja Agricultural Research and Extension Center compound, kung saan ipinamahagi ang mga kagamitan kabilang ang heavy-duty vehicles at mga traktora.
Ayon kay SRA Administrator at CEO Pablo Luis Azcona, mahalaga na ang mekanisasyon sa kasalukuyang sitwasyon ng sugar industry.
“Our goal is to bring the Philippine sugar industry into a new era of efficiency. By providing these machineries, we are directly reducing the physical and financial burden on our farmers,” ani Azcona.
Sinabi ng SRA na inaasahang makakatulong ang mga makinarya sa pagtugon sa tumataas na production cost at sa humihinang kondisyon ng lupa sa mga sakahan.
Layunin din nitong mapabuti ang hauling efficiency, field preparation, at transportasyon ng soil amendments at farm inputs na kailangan sa produksyon.
“This equipment will allow our partners to implement soil rejuvenation techniques at scale, ensuring that our sugarcane fields remain productive for the next generation of sugar farmers,” dagdag ni Azcona.
Nagpaabot naman ng pasasalamat si Board Member at Planters’ Representative David Andrew Sanson sa hakbang ng ahensya.
“Access to this level of machinery empowers our farmers to be more independent and cost-effective,” ani Sanson. Ayon sa kanya, gagamitin ang mga ibinigay na kagamitan para mapataas ang kita ng mga lokal na sugar producers. /Bistado