LEGAZPI CITY – Umabot sa 52 barangay sa Albay ang naapektuhan ng makapal na ashfall mula sa Mayon Volcano nitong Sabado.
Ayon sa Office of Civil Defense 5 (OCD-5), ang mga apektadong barangay ay nasa Camalig, Guinobatan, at Ligao City. Naganap ang pyroclastic density current (PDC) sa Mi-isi Gully.
Sa Guinobatan, apektado ang 18 barangay: Minto, Malabnig, Mapaco, Doña Tomasa, Agpay, San Rafael, Maguiron, Calzada, Iraya, Muladbucad Grande, Inamnan Pequeño, Inamnan Grande, Bubulusan, Lomacao, Maninila, Travesia, Lower Binogsacan, at Ilawod.
Sa Camalig, apektado ang 17 barangay: Cabangan, Salugan, Anoling, Sua, Quirangay, Tumpa, Barangays 1, 2, 3, 4, 5, 6, at 7, at ilang bahagi ng Barangays Libod, Ilawod, Gapo, at Sumlang.
Sa Ligao City, apektado rin ang 17 barangay: Busac, Allang, Palapas, Abella, Malama, Paulba, Maonon, Balanac, Tupas, Tiongson, San Vicente, Tandarura, Pandan, Bacong, Cabarian, Pinamaniquian, at Oma-Oma.
Nagsimula na ang OCD-5 sa pamamahagi ng humigit-kumulang 250 boxes ng face masks sa Daraga, Camalig, Guinobatan, at Ligao City bilang tugon sa ashfall.
Ayon sa Philippine Institute of Volcanology and Seismology, inaanod ang plume pa-west-southwest, habang apektado ng ashfall ang Camalig at Guinobatan.
“The estimated PDC runout is 4 km.,” ayon sa Phivolcs.
Nakaalerto na rin ang Deployable Response Group ng Philippine Coast Guard District 5 para sa posibleng deployment kaugnay ng patuloy na aktibidad at daloy ng PDC mula sa Mayon Volcano.
Sinabi ni PCG-5 Bicol commander Commodore Ivan Roldan na mahigit 124 DRG personnel mula sa iba’t ibang unit sa district ang naka-standby para sa agarang response operations, kabilang ang evacuation support at humanitarian assistance sa mga apektadong komunidad.
Nagpakilos at nag-deploy na rin ng personnel ang Bureau of Fire Protection 5 sa mga apektadong lugar.
“Our teams are already on the ground, actively providing assistance and emergency services to affected communities, while closely coordinating with concerned government agencies and local disaster risk reduction and management councils,” ani BFP-5 Director, Senior Supt. Achilles Santiago.
Naka-high alert ang lahat ng BFP-Albay personnel. Nananatili ring fully operational ang mga fire station sa loob at paligid ng mga apektadong lugar.
Naka-pre-position ang response teams para sa agarang deployment habang mino-monitor ang sitwasyon. Kabilang sa inihahatid na serbisyo ang emergency response, evacuation assistance, search-and-rescue operations, at iba pang critical services para sa kaligtasan ng mga residente.
Pinayuhan ang mga residente sa high-risk zones na patuloy na sumunod sa advisories ng Phivolcs at local authorities. /Bistado