Napanatili ng Bagyong Francisco, na may international name na Mekkhala, ang lakas nito nitong Martes ng hapon habang patuloy na kumikilos pahilagang-kanluran sa Philippine Sea, ayon sa Philippine Atmospheric, Geophysical and Astronomical Services Administration (Pagasa).
Huling namataan si Francisco sa layong 330 kilometers silangan ng Calayan, Cagayan. Taglay nito ang maximum sustained winds na 175 kilometers per hour at pagbugsong umaabot sa 215 kph habang kumikilos pahilagang-kanluran sa bilis na 10 kph.
“This tropical cyclone will remain far from the Philippine landmass as Francisco is forecast to move northward tonight until tomorrow (Wednesday, 24 June) before recurving generally northeastward from tomorrow afternoon onwards toward the Ryukyu Islands and the sea south of mainland Japan,” ayon sa Pagasa.
Inaasahang lalabas si Francisco sa Philippine Area of Responsibility pagsapit ng Huwebes o Biyernes ng umaga.
Nananatiling nakataas ang Tropical Cyclone Wind Signal No. 1 sa Batanes at sa northeastern portion ng Cagayan, partikular ang Gonzaga at Santa Ana, kasama ang eastern portion ng Babuyan Islands, kabilang ang Babuyan Island, Didicas Island, at Camiguin Island.
Sa ilalim ng Signal No. 1, maaaring maranasan ang hanging 39 hanggang 61 kph at intermittent rains sa loob ng hindi bababa sa 36 oras.
Kasabay nito, naglabas ang Pagasa ng General Flood Advisories alas-6 ng gabi nitong June 23 para sa ilang rehiyon, na valid hanggang sa susunod na issuance alas-6 ng umaga kinabukasan.
Batay sa 6 p.m. advisories, inaasahan ang light to moderate rains at thunderstorms sa Ilocos Region, Cagayan Valley, MIMAROPA, Bicol Region, Western Visayas, Central Visayas, at Eastern Visayas.
Sa Central Luzon, inaasahan ang light to moderate to occasionally heavy rains and thunderstorms. Sa CALABARZON, light to moderate rains and thunderstorms din ang forecast 12-hour rainfall.
Sa Ilocos Region, posibleng maapektuhan ang mga ilog at tributaries sa Ilocos Norte, partikular ang Bulu, Banban, Bacarra-Vintar, Laoag at Quiaoit; Ilocos Sur, partikular ang Lower Abra, Silay-Sta. Maria, Buaya at Amburayan; La Union, partikular ang Amburayan, Baroro, Lower Bauang at Aringay; at Pangasinan, partikular ang Balincaguing at Alaminos.
Sa Cagayan Valley, kabilang sa mga watercourses na posibleng maapektuhan ang lahat ng ilog at tributaries sa Batanes; mga ilog sa Cagayan, kabilang ang Linao, Lower Abulug, Lower Pamplona, Cabicungan, Aunugay, Baua, Palawig at Taboan; at mga ilog sa Isabela, partikular ang Dikatayan, Divilacan at Palanan-Pinacanauan.
Sa Central Luzon, kabilang sa binabantayan ang mga ilog sa Zambales, partikular ang Pamatawan, Sto. Tomas, Bucao, Bancal at Lawis; Bataan, partikular ang Balanga at Morong; at Aurora, partikular ang Casiguran, Aguang at Lower Umiray.
Sa CALABARZON, kabilang sa mga watercourses na posibleng maapektuhan ang mga ilog sa Cavite, Laguna, Batangas, Quezon, at Rizal, kasama ang Laboc, Pagsanjan, San Juan, Rosario-Lobo, Upper Umiray, Lower Bolbok, Upper Marikina, at Kaliwa.
Sa MIMAROPA, kabilang sa mga watercourses na posibleng apektado ang mga ilog at tributaries sa Marinduque, Romblon, Oriental Mindoro, Occidental Mindoro, at Palawan. Pinayuhan ang mga nasa mountain slopes at low-lying areas na manatiling alerto sa posibleng flash floods at landslides.
Sa Bicol Region, kabilang sa binabantayan ang mga ilog sa Camarines Norte, Camarines Sur, Sorsogon, Albay at Catanduanes, kasama ang Lyabo, Daet Basud, Lower Kilbay, Cabangaan, Ragay, Tinambung, Lower Donsol, Ogod, Putiao, Cadaan, Banuang-Daan, Fabrica, Guinale, Upper Donsol, Cabuyan, Bato at Pajo.
Sa Western Visayas, posibleng maapektuhan ang mga ilog sa Capiz, Antique, Guimaras, Iloilo, Negros Occidental at Aklan, kabilang ang Panay, Mambusao, Sibalom, Ipayo, Panay Malinao, Aningon, Balantian, Cagaranan, Palawan, Cairauan, Dalanas, Tibiao, Pinantan, Barotac, Akalayan, Jalaud, Jalano, Jagdong, Jalaur, Lamunan, Jaro-Aganan, Sibalom, Guimbal, Malogo, Sicaba, Grande, Himogaan, Danao, Upper Tabanan, Sipalay, Lower Ilog, Ibajay, Aklan at Jalo.
Sa Central Visayas, kabilang sa binabantayan ang mga ilog sa Cebu, Siquijor, Bohol at Negros Oriental, kasama ang Kotkot, Mananga, Guinabasan, Balamban, Sabangdaku, Inabanga, Ipil, Matulid, Loboc, Abatan, La Libertad, Tanjay, Candugay, Siaton, Cawitan, Sipocong, Bayawan, Pagatban at Lower Tabanan.
Sa Eastern Visayas, posibleng maapektuhan ang mga ilog sa Eastern Samar, Biliran, Samar, Northern Samar, Leyte at Southern Leyte, kabilang ang Oras, Dolores, Ulot, Taft, Borongan, Suribao, Llorente, Balangiga, Sulat, Basey, Silanga, Calbiga, Jibatan, Catarman, Bugko, Pambujan, Catubig, Palapag, Mawo, Gamay, Sangputan, Palo, Solano, Daguitan, Marabang, Cadac-an, Bongoirugon, Salug, Pagbangahan, Pagsangahan, Binahaan, Bisay, Himbangan at Pandan.
Kasama rin sa 6 p.m. listahan ng General Flood Advisories ang Region 9 o Zamboanga Peninsula, Region 10 o Northern Mindanao, at BARMM.
Pinayuhan ng Pagasa ang mga nakatira malapit sa mountain slopes at low-lying areas ng mga nabanggit na river systems, gayundin ang mga concerned local disaster risk reduction and management councils, na magsagawa ng kinakailangang precautionary measures. /Bistado